- Artikelopsies
- Deel
- Kry Beeld op
Dis mense wat doodgaan, nie swart of wit
deur K.W. Sibeko
2010-02-08 21:22
skryf per e-pos:
Ek lees Beeld elke liewe dag. Ek is baie bekommerd oor die mense wat kla oor FW de Klerk en sy span. Ek het respek vir hom, want hy het duisende lewens gered. Nog hoeveel mense was veronderstel om so dood te gaan voordat iemand iets doen?
Hulle kla ook oor misdaad in Suid-Afrika.
Ek is swart en trots om ’n Suid Afrikaner te wees.
Baie swart mense het doodgegaan voor hierdie nuwe regering. Ek het familie en vriende verloor in die verlede, maar tot nou haat ek nie vir De Klerk en sy span nie.
Ek is baie ontevrede oor die misdaad in hierdie land. My hart word baie seer as ek elke dag in die koerante lees oor plaasmoorde omdat dit mense is wat doodgaan. Ek gee nie om of hulle wit of swart is nie, maar omdat hulle mense is.
Ons moet opstaan vir hierdie land. Ons moet vrede maak in hierdie land. Ons moet mekaar help om hierdie misdaad klaar te maak.
Ek is hier gebore en ek sal nie hierdie land vir enige land los nie. Eerstens ek kan dit nie bekostig nie. Tweedens ek is lief vir Suid-Afrika.
Daar is mooi dinge wat in die verlede gedoen is, maar daar is baie slegte dinge wat gebeur het. Presies soos nou. Daar is baie wat mooi is, maar daar is nog baie wat gedoen moet word om hierdie land tuis te maak.
Ek verlang ook om tot laat in die aand op my stoep te sit en met die familie te gesels. Ek wens my kinders kan enige tyd van die dag kom en gaan soos ek grootgeword het. Ek wens vandag se kinders kan weet om groot mense te respekteer. Ek wens dat ek my motor op die sypaadjie kan los solank ek wil.
Kom ons werk saam om hierdie wêreld ’n beter plek vir almal te maak. Misdaad tref ons almal. En kom ons begin om te weet dat “God is the beginning”.
(My Afrikaans is nie so goed nie, maar ek probeer.)