- Artikelopsies
- Deel
- Kry Beeld op
Ek is baie geskok oor seksfliek in Afrikaans!
deur Margeret
2009-09-22 03:12
Margaret Meiring van Krugersdorp skryf:
Ek wil net graag onder u aandag bring dat daar op www.gumtree.co.za gepraat word van ’n seksrolprent in Afrikaans wat versprei gaan word by die Sexpo in Oktober.
Is dit nie genoeg dat daar so baie pornografie in Suid-Afrika is nie?
Nou moet ons nog lewe met ’n nuwe tendens van pornografie in Afrikaans!
Dan wil hierdie klomp nog ons erfenis in hul volgende rolprent ook vernietig deur tradisionele volksliedere soos “Saai die waatlemoen” en “Aai, aai die witborskraai” se woorde sodanig te verander om te pas by hul vuil rolprent.
Iemand moet iets doen om te verhinder dat ons lewe versuur gaan word met sulke vieslike en onwelvoeglike dinge wat ons kultuur gaan skaad!