Polisie wonder oor lyk in veld
2009-08-27 10:57
- Artikelopsies
- Deel
- Kry Beeld op
Linda de Beer
Die polisie krap kop oor ’n toneel waar ’n lyk met brandwonde in ’n veld tussen Jericho en die Dikhololo-wildreservaat buite Brits gekry is.
Mnr. Gerhardus Hermie Cloete (47) se halfnaakte lyk is eergister deur ’n verbyganger opgemerk, het insp. Wilmarie van der Merwe, provinsiale polisiewoordvoerder, gesê. Sy hande en voete was met skoenveters vasgebind. Die kol gras om die plek waar hy gelê het, was gebrand.
Cloete is volgens Van der Merwe verlede Donderdag as vermis aangegee nadat die polisie sy wit Nissan Almera verlate sowat 10 km buite Jericho gekry het.
“Die motor se agterruit is gebreek. Daar was ook bloed op die agtersitplek. Dit was sowat vier kilometer van waar die lyk gekry is, maar die motor se voorste én agterste buffers is naby die lyk opgetel,” het Van der Merwe gesê.
Sy bolyf was kaal, terwyl sy broek verbrand was.