Boer dink eers plaasaanval is ’n flou grappie
2010-02-04 02:46
- Artikelopsies
- Deel
- Kry Beeld op
Linda de Beer
“Ek het eers gedink iemand maak ’n flou grappie, maar toe daai skoot klap, het ek besef dis nie sommer grappies nie.”
Só het mnr. Mannetjie Pieterse (69), ’n boer van die Schweizer-Reneke-distrik, gister vertel van die aanval op hom, sy seun Johan (27) en hul kuiergaste Maandagaand.
Die aanvallers het die blinde Pieterse jr. eerste in die badkamer gekonfronteer.
Hy is drie keer hard met ’n handwapen oor die kop geslaan voordat die twee booswigte in die gang af gehardloop het.
Die Pieterses en hul gaste was pas terug in die opstal van Houtvolop, die plaas, nadat hulle vroeër buite gebraai het.
“Hulle het by my verbygeskuur. Die een is uit by die oop voordeur. Die ander een het in die vertrek kom staan. Die volgende oomblik sien ek hoe lig hy sy vuurwapen,” het Pieterse sr. gesê.
“Hulle het ons seker dopgehou toe ons gebraai het. Die agterdeur was in ’n stadium oop. Hulle het seker daar ingekom.”
Hulle was in die eetkamer toe sy pa daar ingespring net voordat die geweerskoot geklap het.
Insp. Wilmarie van der Merwe, polisiewoordvoerder in Noordwes, het gesê twee verdagtes is Dinsdagaand aangekeer.
Beeld het verneem hulle is naby die plaas gearresteer. Hulle verskyn na verwagting vandag in die plaaslike landdroshof.
- Beeld