Robbie se ma dink nie in 'rigting van molestering'

Robbie Els se ma het die getuiebank Maandag in die Jurie Els-strafsaak ingeneem.

Sy het haar kind aan Els toevertrou omdat hy gesê het hy wil 'n vaderfiguur vir Robbie wees, het sy getuig. Hy sou Robbie die "dinge van die lewe" leer. Sy het nooit gedink in die "rigting van molestering" nie, het die hof gehoor.

Vroeër Maandag het Klay op vrae van regter Chris Eksteen getuig die rede waarom hy klagte teen Jurie Els ingedien het is sodat hy gestraf kan word vir sy dade.

Klay het ook onder meer getuig dat hy nie die beweerde seksvoorvalle koppel aan hoe oud hy was nie, maar aan dorpe of CD's waaraan hy gewerk het toe dit glo plaasgevind het. - Jeanne-Marie Versluis