Vas oor seks met hond
2010-01-05 08:17
- Artikelopsies
- Deel
- Kry Beeld op
André Damons
’n Man van die Ventersdorp-omgewing in Noordwes is gister gearresteer nadat hy glo op Nuwejaarsdag twee keer met ’n hond seks gehad het.
Volgens me. Serita Botha, eienaar van die plaas waar die man werk en waar die voorval plaasgevind het, is sy gister deur haar werkers daaroor ingelig.
Die 44-jarige tuinier het glo omstreeks 09:00 met die Duitse herdershond-kruising seks gehad en weer later die aand.
Die man is die eerste keer deur die hond se eienaar betrap waarna hy glo gesê het “hy speel net met die hond”.
Hy is weer later deur kinders gesien waar hy weer besig was om seks met die hond te hê.
Mnr. Danie Nortjé, ’n inspekteur van die Dierebeskermingsvereniging (DBV), het gesê hy was geskok toe hy die hond sien.
“Dit was baie erg. Ons het die hond geroep, maar hy het nie reageer nie en het net daar gelê. Hy was erg getraumatiseer.”
’n Veearts van Potchefstroom het bevind die hond is wel verkrag.
In 'n soortgelyke beweerde geval het 'n man gister op aanklag van bestialiteit in die Bloemfonteinse landdroshof verskyn, berig Vicus Bürger.
Mnr. Godfrey Booysen (28) is op Oujaarsdag in hegtenis geneem ná beweerde dade met ’n Jack Russell-teef verlede Donderdag op ’n kleinhoewe in Malutilaan in Groenvlei buite Bloemfontein, waar hy werk.
Supt. Annelie Wrensch, polisiewoordvoerder, sê die hond is na die Dierebeskermingsvereniging (DBV) gebring en is van kant gemaak weens haar beserings, onder meer skedelbreuk.
Die hond se baas, wat verkies om anoniem te bly, was met vakansie op Jeffreysbaai.
Volgens hom was die tefie sowat twee jaar oud.
Hy sê dit is bitter sleg wat gebeur het, want “?’n dier kan hom- of haarself nie beskerm nie”.
Booysen het gister voor landdros P.J. Barnard verskyn.
Die verhoor is tot Maandag uitgestel.