Beeld Vakansieskou 2010
2009-11-24 12:57
- Artikelopsies
- Deel
- Kry Beeld op
Beeld Vakansieskou 2010
| Wen kaartjies na die Beeld Vakansieskou.
400 kaartjies is te wen na die Beeld Vakansieskou wat plaasvind by Gallagher Estates van 19 - 21 Februarie.
Beantwoord die volgende vraag en SMS Vakansie gevolg deur jou antwoord en naam na 41849 (R2 per SMS).
Wanneer word Beeld se Vakansieskou aangebied?
Let wel:
Wenners ontvang een kaartjie na die Beeld Vakansieskou.
Pryse sluit slegs die kaartjie in en lesers is self verantwoordelik vir bykomende kostes.
Foutiewe SMS'e sal verreken word.
R2 per SMS.
|
Dit is vir Beeld aangenaam om aan te kondig dat ons 'n langtermyn-vennootskap vir die volgende vyf jaar met die Vakansieskou gesluit het.
Beeld is sedert 2006 by die Beeld Vakansieskou betrokke en bied jaarliks aan ons lesers die geleentheid om op hoogte te kom van alles wat gebied word om vakansies beter en lekkerder te maak. Uitstallers kom van dwarsoor die land asook die buiteland om hul produkte uit te stal. Besoekers stroom na Johannesburg toe om na die uitstallings by Gallagher Konferensiesentrum te gaan kyk.
Vanweë die skou se gewildheid is bekende vervaardigers van woonwaens, sleepwaens en motorhuise se uitstallings elke jaar groter en beter. Behalwe vir die Vakansiewiele-uitstallers (woonwaens, alle-terrein-sleepwaens, motorhuisvervaardigers), word kategorieë soos Bestemmings en Oorde, Aktiwiteite en Avontuur, Operateurs en Dienste asook Toerusting en Media ook goed verteenwoordig.
Die Beeld Vakansieskou gee ‘n uitsonderlike geleentheid aan families om reeds vroeg in die jaar na nuwe produkte en dienste te loer. Verskeie uitstallers maak spesifiek van die Beeld Vakansieskou gebruik om hulle nuwe produkte bekend te stel.
Beeld se lesers moet nie die volgende skou misloop nie aangesien daar honderde duisende rande se pryse op die spel sal wees. Lees Beeld, besoek www.beeld.com, bly ingelig en maak seker dat die familie die skou van 19 tot 21 Februarie 2010 besoek. Die meeste van die pryse kan slegs gewen word deur diegene wat self die skou besoek. Die Skoubylaag sal die week van die skou in Beeld beskikbaar wees. Om meer uit te vind oor toegangsgelde, verblyf naby Gallagher, uitstallers, nuwe produkte en spesiale vakansieaanbiedinge, besoek die Beeld Vakansieskou se webtuiste by www.vakansieskou.co.za.
Sien julle by die Beeld-stalletjie!
