- Artikelopsies
- Deel
- Kry Beeld op
As Afrikaans nie inheems is, wat ís dit?
deur Chris de Lange van Newcastle skryf:
2012-02-07 22:37
En daar wys die ANC toe uiteindelik sy ware kleure oor Afrikaans!
Die nuwe voorgestelde wet oor amptelike tale druis in teen alles waarvoor ons vir meer as 120 jaar geveg het. Dit gaan ook teen die grein van die onderhandelinge by Kodesa waar daar ooreengekom is dat geen taal enige van sy amptelike status mag verloor nie.
Ons Grondwet waarborg minderheidsregte, maar waar laat dié jongste foefie van die ANC Afrikaanssprekendes? Terug na die verlede tot voor die Gemeenskap van Regte Afrikaners toe daar ook vir die voortbestaan van ons pragtige moedertaal geveg moes word.
Tóé was die geveg teen die Engelse regering.
Nou word Engels, wat so uitheems soos kaviaar is, bo die voortreflikste, enigste volledige inheemse taal verhef.
As Afrikaans nié inheems is nie, wat ís dit dan? As Afrikaanssprekendes nog nooit saamgestaan het nie, het die tyd daarvoor nou aangebreek.