- Artikelopsies
- Deel
- Kry Beeld op
Blatjang is nie kerrie nie, Alwyn!
deur Carel van der Westhuizen van Wonderboom
2012-02-01 22:50
My maat Alwyn het besluit ons gaan kerriewors maak. Lekker.
Resep van sy maat Wessie gekry. Ingewikkeld.
Ons koop die vleis en ander benodigdhede. Nou vir die geurmengsel. Erger as die resep vir ’n kernbom.
So sonder my het hy dit gedoen. Net hy en sy ma. Die mengsel moet koud oor die vleis gegooi word, anders kook die vleis gaar voordat dit gemaal is.
So dis ys om af te koel en so aan.
Drie uur later en wyn en alles is reg. Hy vat die vleis en mengsel vir maal en stap na die slaghuis.
Ná die tyd arriveer ek by hom om my deel te kry en ek en hy kuier lekker saam.
Ek vra hom toe watter kerrie hy gebruik het. Om die dood kan hy nie onthou nie. Dis óf dit óf dat. My gedagtes gaan.
Vat my deel huis toe en maak ’n mengseltjie gaar.
Bel hom.
Jou wors kort meer kerrie, deel ek hom mee.
Die blatjangwors blyk toe heel lekker te wees en die kerrie die loer vir hom op die rak en wag vir ’n ander dag.