- Artikelopsies
- Deel
- Kry Beeld op
Engels praat met mekaar lê voor
deur Pannevis van Pretoria skryf:
2012-02-06 22:07
Altyd verfrissend om Leopold Scholtz se artikels te lees, veral sy opmerkings oor taalregte (Beeld, 4 Februarie).
In skrille kontras hiermee is dr. Danny Titus se verklaarde steun aan die nuwe Wetsontwerp oor Afrika-tale. Hoe Titus sy knusse posisie as uitvoerende direkteur van die ATKV met dié standpunt versoen, laat ek aan hom en sy welsprekendheid oor.
Dit is egter belangrik om te meld dat sy siening oor Afrikaans as inklusiewe taal, bevry van politieke bagasie, nie uniek is nie, en ook deur teenstanders van die wet gehandhaaf word.
Boonop gaan dit nie net oor taal nie, want die opsy skuif van Afrikaans as ampstaal het ook ander, ekonomiese en absurde gevolge: Dit word soveel makliker vir die huidige heersers om ’n Afrikaanssprekende wat om ’n staatsdienspos aansoek doen, die deur te wys – asof regstellende aksie nie al genoeg is nie!
Dit het ook die absurde gevolg dat ’n Afrikaanse amptenaar en ’n Afrikaanse lid van die publiek verplig sal wees om in Engels te kommunikeer.