- Artikelopsies
- Deel
- Kry Beeld op
Eskom buit arm burgers van die land uit
deur Leo F. Roodt skryf:
2009-10-15 02:29
Eskom is besig om hardwerkende, arm Suid-Afrikaners uit te buit.
Hoe is dit dat Eskom nie kon slaag om oudpres. Thabo Mbeki en die destydse minister van minerale en energiesake te oorreed om nog ’n kragstasie op te rig nie? Maar nou kry Eskom dit reg om die regering om te praat aangaande belaglike tariefverhogings.
Eskom moet eerder:
- agterstallige skuld van ons buurlande delg of verdere voorsiening van elektrisiteit aan nie-betalende buurlande onmiddellik staak; en
- die hoof van Eskom en die hoof- bestuur se uitspattige vet salarisse, bonusse en onnodige, onregverdige verhogings hersien en sny.
Die regering kan nie nou toelaat dat die land se ekonomie ly weens vorige leiers se dom arrogansie nie.