- Artikelopsies
- Deel
- Kry Beeld op
Generaal sleep onwilliges by
deur André van Graan van Pretoria skryf:
2012-02-06 22:08
Dit is jammer genl. Johan van der Merwe het nie sy memorandum anoniem laat verskyn nie.
Nou sleep hy almal met wit velle wat Afrikaans praat terug in die apartheid-debakel in.
Wanneer gaan ons ophou en sê: “Ek vergeet wat agter my is en konsentreer op die toekoms.”
Van der Merwe is reg; dit was ’n stryd om politieke mag. Dit was die stryd van die NP om politieke mag te behou.
Dink die generaal die leuen oor apartheid deur die regering, gerugsteun deur die susterskerke, kon vir ewig lewe? Nooit.
Hy kritiseer die vryheidstryd. Wat van die Boerekrygers se stryd teen die Engelse? Dis op dieselfde manier gevoer. Dit was ons stryd om vryheid.
Asseblief mense, los die verlede. Dit bring net hartseer en verdriet vir almal – wit en swart.