- Artikelopsies
- Deel
- Kry Beeld op
Hou op om Bybel aan te pas by wat ons pas
deur Mariet Joubert
2010-01-31 22:54
Ek verwys na Neels Jackson se rubriek “Ons moet verder as twee tel”.
Wat my verstand deesdae te bowe gaan, is hoe sogenaamde gelowiges die saambly-situasie rasionaliseer om dit net nie aan die fundamentele Bybelse riglyne te toets nie.
Alles word deesdae oor die boeg gegooi van “ons moet in die 21ste eeu nuut en anders dink”.
Een van die vorige kerkvaders het tevore oor aangeleenthede wat aan Bybelse waarhede getoets moet word, gesê: “If it’s true it’s not new and if it’s new it’s not true.”
As ons dus nuwe waarhede oor die Bybel begin formuleer om ons nuwe leefstyle te akkommodeer is dit eenvoudig nie die waarhede wat die Bybel verkondig nie.
Sekere beginsels in die Bybel is fundamenteel waar en om daaromheen te begin wollerig raak maak almal se sienings van die Bybel “waar”.
Wie se interpretasie moet nou nie aanvaar word nie?
Hou op om die Bybel by wat ons pas aan te pas, in plaas van om ons leefstyl aan Bybelse waarhede te toets.