- Artikelopsies
- Deel
- Kry Beeld op
In die naam van alles wat heilig is: Genoeg!
deur Mathilda Williams skryf uit Amerika
2010-03-12 22:21
Met verwysing na die berig “Kind se hande afgekap in moord” in gister se koerant: Woorde ontbreek om my verslaentheid en rou verdriet te beskryf nadat ek hierdie berig gelees het.
Ek het nie vir Anika geken nie, ek is net ’n gewone ma van drie dogters.
En tog het ek nou my hart uitgehuil oor Anika se pa en ma en oor die grusame dood wat sy gesterf het, waarmee hulle vir ewig sal moet saamleef.
Hoe maak mens sin uit so iets?
Wanneer is genoeg, genoeg?
Ek staan vanaand verslae voor die barbaarsheid van die moord op Anika.
Ek wil dit van die dakke af skree: Genoeg! In die naam van alles wat vir ons kosbaar en heilig is: Genoeg!
My innige simpatie aan Anika se familie.