- Artikelopsies
- Deel
- Kry Beeld op
Moenie afdank as bestuur swak is
deur Blackie Swart van Bela-Bela skryf:
2012-02-07 22:37
Grootskaalse afdanking van personeel weens swak finansiële beplanning en bestuur deur veral banke, myne, ensovoorts, moet deur wetgewing verbied word.
Net tugafdankings behoort toegelaat te word.
Aftreedatums vir toekomstige pensioentrekkers moenie verpligtend gemaak word nie, maar eerder gegrond word op gesondheidsredes en vrywillige aftrede.
Banke en ander maatskappye wat finansiële probleme ondervind, moet in plaas van grootskaalse afdankings eerder hul sake in orde kry en salarisverhogings en bonusse op alle vlakke bevries totdat dinge stabiliseer.
Om dié proses te laat werk, moet die regering arbeidskomitees in elke provinsie aanstel.
Dié komitees moet bestaan uit mense met ervaring in arbeidspraktyke en finansiële bestuur.
Hierdie komitees moet dadelik ingryp sodra ’n maatskappy in geldelike moeilikheid beland, wat tot afdankings kan lei.
Werkers wat voorheen hierdeur geraak is en nog werkloos is, moet ook heraangestel word.