- Artikelopsies
- Deel
- Kry Beeld op
Molesteerders, stig klub en los kinders
deur Helen van Pretoria skryf
2010-07-29 22:37
Ek verwys na die berig “Pretoria-dominee in arres nadat hy glo met kind lol” (Beeld, 28 Julie).
Waar ’n rokie trek, is ’n vuurtjie! Daar is soveel mense in vertrouensposisies wat kinders molesteer en verkrag dat ’n mens nie kan verhelp om wantrouig te wees teenoor mense wat “so graag met die jeug wil werk” nie.
Kyk maar net na al die stories oor die jare van die priesters in die Rooms-Katolieke Kerk. Dan is daar ook onderwysers wat nie hul hande van kinders kan afhou nie.
Lyk my hulle kies spesifiek dié vertrouensposte om naby weerlose en onskuldige kinders te kom.
Dié mense moet liewer ’n klub stig waar hulle hul vieslike stokperdjies op mekaar kan toepas.
Los onskuldige kinders uit!