- Artikelopsies
- Deel
- Kry Beeld op
Probleem is by mens, nie stelsel
deur Helmine le Roux skryf:
2012-02-10 22:03
Ek verwys na Leopold Scholtz se artikel “Vadertjie Staat kan nie” (Beeld, 7 Februarie).
Dit lyk vir my asof die probleem nie by die stelsel lê nie, maar by die mens wat dit bedryf.
Om die stelsel suksesvol te bedryf deur reg te laat geskied aan diegene wat deel het daaraan, moet daar ’n balans wees.
’n Balans tussen die uitoefening van mag deur die regeerder, die regte van die individu en hul onderskeie verantwoordelikhede, tussen inkomste en uitgawes, tussen die benutting van die natuur en die bewaring daarvan, asook tussen bevolkingsgroei en die beskikbare hulpbronne.
Maar nou werk dit nie so nie. G’n regverdige stelsel kan standhou teen die mens se vermoë om die balans te versteur en só die stelsel te korrupteer nie.
Die mens is, helaas, die bewerker van sy eie ondergang.