- Artikelopsies
- Deel
- Kry Beeld op
Vergoed Afrikaner nóú vir opoffering
deur Steve Hofmeyr
2010-02-16 21:24
Ferdi Greyling sê iets belangriks in Beeld van 16 Februarie: “. . . die wit minderheid het 20 jaar gelede vrywillig meer opgegee ter wille van versoening as omtrent enige ander groep in die moderne wêreld”. Meer as wat jy dink, mnr. Gwede Mantashe.
In die konteks van die 18de-eeuse oorwinnings en eiendomsbesit (daar was nie demokrasie nie) was anneksasie, veldslae en handel die modus operandi.
As jy die land op dié manier bekom het (lees Europa/Amerika), was dit joune. Afrikaner-eienaarskap hier is selfs meer legitiem. Toe die Boere ingevolge dié reëls val (in ’n oorlog teen die Britte), was hulle die land kwyt.
Dit is later teruggegee – nie aan almal suid van die Sahara nie, maar aan die oorlogsopposisie, die Afrikaners/Boere.
Om te vra dat ons meer tot versoening moet bydra, is om te vra dat ons moet vergeet dat ons die enigste Suid-Afrikaanse stam is wat amper meer as die helfte van sy bevolking opgeoffer het vir hierdie grond.
My opinie: Óf staak regstellende aksie óf staak versoening. Of vergoed die Afrikaner nóú!
Dit kan nie gedoen word met naamsveranderinge nie.