- Artikelopsies
- Deel
- Kry Beeld op
Aankondiging oor Springbokke was swak
deur Leser
2011-08-24 10:52
Ek is uiters teleurgesteld oor die swak aanbieding op
Supersport 1 van die Springbokspan se
aankondiging.
Daar was nou net mooi niks om oor opgewonde te raak nie. Waar was
die entoesiasme, verrassingselement, toejuiging, en aansporing vir hierdie
uitverkore groep wat ons land moet gaan verteenwoordig?
Alles was kil, styf en
formeel. Mnr Hoskins moes daar soos 'n
standbeeld staan en die Bokke het ook nie juis vreeslik vrolik en opgewonde voorgekom nie.
Waar het hulle die "kunstenaar" vandaan
gekry? Die man was nie eers netjies geklee nie, kan nie sing nie, het die Volkslied
opgemors en sy eerste lied was so min geesskeppend as kan kom. Leon Schuster
sou baie beter gevaar het. Hy behoort sy betaling terug te gee.
Wie ookal vir die
produksie verantwoordelik was: Dit was nie goed genoeg nie en het die
"Springbok " oneer aangedoen en die spelers alles behalwe gemotiveer.
Alle was kunsmatig vooraf geoefen, kil, onpersoonlik. Gaan probeer weer.