Hügo Krüger

Beeld-gebruiker

• Artikelopsies
  • Druk artikel
  • e-pos artikel
• Deel
  • Yahoo
  • Google
  • Digg
  • del.icio.us
  • Facebook
  • Twitter
• Kry Beeld op
  • Jou selfoon
  • Jou Facebook-profiel

Afrikaners moet vir hulself sorg

Afrikaners moet hul Jannie-jammergat houding nou los.

Kom ons praat nou maar reguit oor die huidige stand van Afrikaners, Afrikaanses, wit Suid-Afrikaners of nou wel Afrikaanssprekende Suid-Afrikaners in Suid-Afrika - kies maar die politiek korrekte term van die oomblik.

Ná die onlangse briewe en artikels waarin verklaar word dat ons "nederig moet wees" en "simpatiek moet optree" wil ek bietjie uitspraak lewer.  Dit is asof die meerderheid 'n tjip op hul skouers het, en ons moet dit afklap.

Ons moet nou maar vir eens vir altyd aanvaar dat ons tweederangse burgers in hierdie land gaan wees en gaan bly.

Vir jare in die apartheidsera het die Afrikaners in sy gemaksone gebly, die staat het vir ons goed gesorg en vir ons mense ook goed gesorg -  my generasie het baie daarby gebaat, die pos-apartheid generasie. Maar ek wil graag vir die Afrikaner-leiers van daardie tyd bedank vir wat hulle vir ons gegee het.

Ek wil ook vir die ANC bedank, dankie vir AA, dankie vir swart-ekonomiese-bemagtiging, dit help ons net soveel te meer.

Ná '94 is Afrikaners vir eens op hul eie voete gelaat, ons het dis transformasie van 'n staats-inrigtingsgeoriënteerde kultuur na 'n ekonomiese onafhanklike een gemaak en in baie opsigte word dit steeds gedoen.

Die feit bly staan ons is suksesvol uit alle magsposisies en sektore in die staat uitgefaseer. Hiervoor sê ek ook baie dankie vir die ANC, dit het ons jong mense meer geleenthede gegee om op ons eie voete te staan.  

Ons het die bande van kultuur en vaderlandsliefde verbreek en dit is nou "every man for himself and the devil for the rest", raai wat - ons pas goed aan! Die lewe skuld ons niks nie en hy gaan partykeer uit sy pad uit om dit vir ons te bewys. Indien die Afrikaner selfstandig wil wees, sal hy self daarvoor moet sorg.

Nie apartheid nie en nie die ANC nie.

Aan die meerderheid  sê ek weereens dat ek nie jammer is nie, die lewe is onregverdig, aanvaar dit maar net so, welsyn gaan nie armoede oplos nie, die armes en armsaliges sal dit self moet doen -  as hulle afhanklikheid van die staat verwag en staan vir "handouts" dan gaan hulle vir ewig wag.

Hulle moet ook besef dat die leiers wat hulle gekies het Afrikaners verjaag – that is your loss.

Ek voel nie deel van die reënboognasie nie, dit is te onrealisties gewees en sal na my leeftyd nie eers realiseer nie. Ons moet maar die realiteit aanvaar dat ons weens ras en kultuur verdeel is.

Die Afrikaner is 'n uitlander in Suid-Afrika, die staat sal jou nie help nie.  As ons blanke armoede wil oplos dat sal ons dit self moet doen, dit kan baie duidelik gesien word deur organisasies soos Solidariteit, wat buite die politieke spektrum hul mense uit armoede probeer help – vir hulle het ek baie respek.