- Artikelopsies
- Deel
- Kry Beeld op
Hoekom leer gelowiges nie uit foute van verlede?
deur Nadenker
2010-07-15 13:45
Die goddeloosheid van mense soos Kopernikus en Galileo om aan die mensdom uit te wys dat die planete, insluitende die aarde, om die son wentel, en dat alles nie om die aarde draai nie. Hulle was deur die kerk vervolg want die Bybel sê mos op 'n plek die son het stil gestaan.
Die goddeloses was tog reg bewys op die ou einde. Wetenskap 1 : Geloof 0.
Die goddeloosheid van mense wat vandag aanvoer dat die mens die resultaat van natuurlike evolusie is. Die Bybel sê tog die wêreld is in ses dae geskape (op die sewende dag het God glo "gerus"). En die mens is spesiaal want ons is in God se beeld geskape.
Ateïste moet breed glimlag. Wetenskap 2 : Geloof 0.
Kan gelowiges nie uit die foute van die verlede leer nie? Hoe lank sal ons 'n bespotting maak van ons soeke en sogenaamde eienaarskap van die waarheid?
Aanvaar maar, en wees nederig, dat God dit goed gesien het dat die wat sy beeld dra diere is met 'n hoogs ontwikkelde brein, en hierdie brein is die resultaat van evolusie.
So wees dankbaar en jubel dat hierdie dier - ons almal - aan die voorpunt van evolusie staan. Dit het ons 'n brein gegee waarmee ons die bestaan van God ontdek het, en vandag nog steeds ontdek.