- Artikelopsies
- Deel
- Kry Beeld op
Ontmasker hulle in rolprente
deur Fanie du Plessis
2011-07-28 14:52
As ‘n mens kyk na al die planne om die Karoo te “frack”
en om myne in hoogs sensitiewe areas soos Mapungubwe en Nylsvley te begin, blyk
dit dat daar ‘n groep plaaslike en oorsese maatskappye en individue is wat nie
sal stop voordat die hele Suid-Afrika een groot mynhoop of myngat is nie. Dit
als vir korttermyn finansiële gewin.
Dit is duidelik dat die regering nie begryp dat die
gevolge van hierdie bedrywighede katastrofies gaan wees vir die land, sy mense
en sy natuur nie.
Prospekteerregte en
mynpermitte word links en regs uitgedeel.
Anders as hul geldkoffers wat vir ‘n paar jaar gaan voller wees, gaan
die land die gevolge van hierdie myne vir duisende jare dra.
Daarom voel ek die tyd het gekom dat Suid-Afrika se
rolprentvervaardigers opstaan en ‘n verskil begin maak. Ons weet almal watter uitwerking dokumentêre
films soos “Gas land” en “The Cove” op mense se opinies en optredes kan
hê.
Iemand moet opstaan en ‘n film maak
oor die huidige trant waar die uitreik van mynpermitte onbeheersd voort
stoomroller. Mense moet sien wat die
invloed van hierdie myne op ons skaars varswater-bronne en die gesondheid van
ons land se mense gaan wees.
Hulle moet
bewus gemaak word van al die onregmatige mynbou-goedkeurings wat deur korrupte
regeringsamptenare deurgevoer word.
Die wêreld moet die waarheid sien sodat druk op die
regering geplaas kan word om hierdie pad van vernietiging stop te sit.
Is daar enige film-vervaardigers daarbuite wat bereid is
om die uitdaging te aanvaar?