- Artikelopsies
- Deel
- Kry Beeld op
Palestyne slagoffers van onteiening
deur Beeldleser
2011-11-09 14:59
Gun my asseblief die geleentheid om op Anton Pretorius se
brief te reageer. (Beeld, 8 November, “Tutu, Israel is God se uitverkore volk
...”)
As daar ‘n God is, is Sy of Hy nie ‘n eiendomsagent wat net een groep van
ons mensdom met die bedeling van land wat alreeds bewoon is, bevoorreg nie.
Tweedens, die meeste dominante Sioniste Jode in Israel is
nie afkomstig van die Midde-Ooste nie, maar hulle is die afstammelinge van ‘n
stam, die Kazars, wat in suid-Rusland
gewoon het. Ongeveer 1 200 jaar gelede het die Kazars van hul eie geloof afgesien en Judaisme
aanvaar.
Derdens, die stigting van die staat van Israel in 1948
was die kulminasiepunt van ‘n moderne koloniale projek wat aan die einde van
die negentiende eeu begin het en die projek is op telke wyse deur Westerse
lande ondersteun.
Die Palestyne is die slagoffers van ‘n stelselmatige
beleid van onteiening wat steeds voortgaan.
Mnr Pretorius, moenie toelaat dat jou geloof in die Bybel
jou verhoed om die geregtigheid van die Palestynse se saak en die Palestyne se
reg tot selfbeskikking te verstaan nie.