Gert Deysel

Beeld-gebruiker

• Artikelopsies
  • Druk artikel
  • e-pos artikel
• Deel
  • Yahoo
  • Google
  • Digg
  • del.icio.us
  • Facebook
  • Twitter
• Kry Beeld op
  • Jou selfoon
  • Jou Facebook-profiel

Saru móét gekap word oor truie

Die brief in Beeld  (2011-09-09 deur Sarel Myburg: Moenie Saru kap oor China-truie ) verwys:-

Saru is welverdiend in die spervuur omdat ondersteunersrugbytruie in China laat maak is. As dit ‘n goeie sakebesluit was, dan moet al Saru se sakebesluite bevraagteken word (miskien moet dit in alle gevalle bevraagteken word)!

Roof-truie  van China word op straathoeke teen ‘n tiende van die prys van Saru se amptelike truie bekom, tog beweer Sarel dat ondersteunerstruie goedkoper vir die publiek is. Vanwaar gehasie? Saru dra nie die publiek se belang op die hart nie - winsbejag as al wat van belang is.

Verder word Saru se buitensporige pryse deur Sarel geregverdig deur: Min. Trevor Manual se naam, indirek via die nasionale beplanningskomitee, te betrek, asook ander klerevervaardigers se soortgelyke besigheidspraktyke. Hoe op aarde gaan ons meer mense kry om te werk in Suid-Afrika as plaaslike ondernemings nie die eerste tree gee nie.

Wat Sarel verswyg is dat die regering (wat min. Trevor Manual insluit) ‘n beroep op die plaaslike besigheidsmark gedoen het om in samewerking die arbeidsmark te herbou.

Die grootste euwel tans in die wêreld is die weggee van besighede se bedryfsaktiwiteite aan ander lande, die sogenaamde ‘Outsourcing’, in die naam van ‘goeie besigheidsbesluite’.

Hoe is dit moontlik om blind te wees vir die feii dat ‘n land se arbeidsmark deur hierdie gierige hebsug vernietig word? Indië is ‘n goeie voorbeeld van ‘n eens armoedige land wat in nou kommersieël mededingend is deur ander lande se arbeidsmark te ondermyn!

Voeg hierby die newe-efekte van armoede in Suid-Afrika (misdaad, behuising, opvoeding…) dan is daar, myns insiens geen rede om nie vinger na Saru te wys nie.