- Artikelopsies
- Deel
- Kry Beeld op
Versoening in SA nodig
deur A.D. Pelser, Stellenbosch
2011-07-08 14:20
Wel gedaan Tim! Vice en van Niekerk moet liefs vrae stel
eerder as stellings maak oor sake wat hulle glad nie verstaan
nie.
Geskiedkundiges en politiese analitici kan hieroor debat voer, maar om
moraliteit en etiek eensydig toe te pas is onsinnig en akademies oneerlik.
Almal in die konflik het opofferings gemaak, sommige baie
meer as ander; dit is ironies dat ivoortoring-bewoners wat geen benul het nie van
die Oos-Wes konflik in Afrika soveel dekking kry in Afrikanse media en dat
(wit) Afrikaners uitgesonder word.
Was daar geen Engelse soldate nie? Het geen
Engelssprekendes voordeel getrek uit apartheid nie? Het geen swartes en bruines
daaruit voordeel getrek nie?
Soos jy tereg adviseer, tyd om aan te beweeg en stryders
in die bosoorlog hulle eer en
waardigheid te gun, hulle verdien dit!
Die ander kant het hul weergawe van die konflik tot
vervelens toe voorgehou, audi alteram partem. Dit is nodig vir versoening in
SA!