- Artikelopsies
- Deel
- Kry Beeld op
Vra eerder iets oor Dozi, Kurt
deur Luke
2011-08-02 07:51
Na aanleiding van die vraag op die web oor Tretchikoff waar 60%
in 'n stadium "wie" geantwoord het, asook vele artikels waar vir kommentaar gevra
word, wonder ek of die gemiddelde Afrikaner (tipiese Beeld-lesers) se
algemene kennis bo 50% is?
Vergeet van Totius, die Groot Krokodil, naam van die
grootste tak van die Oranjerivier - Apies, Tugela, Vaal?
Vra liewers wie
karring aan met die lied "Soentjies vir jou" - Sonja, Dozi of Kurt?
Maar kan hulle vandag se onderwysstelsel kritiseer.
Ek sit in 'n posisie waar
ek personeel moet evalueer en aanstel, maar wraggies, ek voel soms so skaam vir
my eie volk se onkunde. Soms kom hulle self nie agter die kap van die byl oor
werk wat hulle al vir jare doen nie.
Iewers in net die vorige geslag het 'n
paar wiele ook maar lelik afgeval.
Hoe
red mens die volk?