Wind 'waai' spelers van baan
2012-02-03 14:58
- Artikelopsies
- Deel
- Kry Beeld op
DOHA. - Beamptes van die Europese Reeks het besluit dat die Qatar-meesterstoernooi oor slegs 54 putjies beslis gaan word nadat spel Vrydag op die tweede dag van dié gholftoernooi weens sterk wind oor die baan van die Doha-gholfklub afgelas is.
Altesaam 66 spelers het reeds met hul tweede rondtes begin voordat spel afgelas is - en die meeste van dié spelers was verlig om die baan te verlaat.
Die voorloper ná die eerste ronde, Gonzalo Fernandez-Castano van Spanje, het twee houe aan syfer afgestaan en was op vier onder ná sewe putjies toe die spelers die baan moes verlaat.
Die deelnemers sal Saterdag hul tweede rondtes voltooi. - Sapa-AFP