Black Caps te goed vir Zim
2012-02-03 11:37
- Artikelopsies
- Deel
- Kry Beeld op
DUNEDIN. - Nieu-Seeland het Zimbabwe Vrydag hier met 90 lopies geklop in die eerste eendagwedstryd in hul reeks.
Die besoekers se swak kolfwerk het hul kanse om te wen, geknou nadat die Zimbabwe-boulers skaflik vertoon het om die tuisspan vir 248 lopies in 48.3 boulbeurte uit te haal.
Zimbabwe, wat verlede week met 'n beurt en 301 lopies geklop is in die toetswedstryd teen die Kiwi's, kon slegs 158 lopies in 41.4 boulbeurte aanteken.
Vir Zimbabwe het die naatbouler Shingi Masakadza 4/46 geneem en vir die Kiwi's het Martin Guptill 70 lopies aangeteken. - Sapa-AFP