Engeland kry wéér slae
2012-02-06 14:52
- Artikelopsies
- Deel
- Kry Beeld op
DOEBAI. - Pakistan het Engeland Maandag hier met 71 lopies geklop in die derde en laaste kriekettoets en sodoende die reeks met 3-0 gewen.
Engeland, wat 324 lopies in sy tweede beurt moes aanteken om te wen, is almal uitgehaal vir 252, met Alastair Cook (49) en Matt Prior (49*) wat die beste met die kolf gevaar het.
Umar Gul en Saeed Ajmal het elk vier paaltjies vir Pakistan laat kantel.
Pakistan het in sy eerste beurt 99 en in sy tweede beurt 365 aangeteken. Engeland het in sý eerste beurt 141 aangeteken.
Vroeër het die Internasionale Krieketraad aangedui dat indien Engeland met ten minste 0-2 teen Pakistan verloor en Suid-Afrika klop Nieu-Seeland met 3-0 in die komende toetsreeks Doer Onder, die Proteas tot die eerste plek op die ranglys vir toetsspanne kan opskuif. - ESPNcricinfo.com