Skeidsregter slaan seun glo met kolf dood

DHAKA (Bangladesj). – Polisiebeamptes hier is op soek na ’n krieketskeidsregter wat glo ’n tiener Vrydag tydens ’n amateurwedstryd in Ki­shore­ganj met ’n kolf doodgeslaan het.

Volgens ’n polisiewoordvoerder het die witjas Nazrul Islam (15) met ’n speler se kolf op die kop geslaan toe hulle oor ’n beslissing gestry het.

“Die seun is ’n dag later dood en ons soek steeds na die verdagte,” het Mosharraf Hossain gesê. – Sapa-AFP