Mpumalanga: Veselprodukte-mark in Wakkerstroom
2012-01-27 06:00
- Artikelopsies
- Deel
- Kry Beeld op
Besoekers kan eksklusiewe handgemaakte goedere koop, soos truie en serpe van suiwer alpakka-wol en ander natuurlike vesels wat handgeweef en gebrei is.
Demonstrasies en slypskole sal aangebied word in die weef van spesiale wol, wolspin, borduurkuns, die maak van kant, kwiltwerk, kreatiewe breiwerk en viltwerk.
Die mark word op 24 Maart in die NG kerksaal in Wakkerstroom gehou en duur van 09:00 tot 14:00.
Toegang kos R5 per persoon.
Daar is beperkte geleenthede om slypskole aan te bied en belangstellendes moet regstreeks met die aanbieders skakel om te bespreek.
Luise Duke bied ’n weefklas aan. Bespreek by 082 870 4335.
’n Slypskool in vrystyl-breitegnieke word deur Dana Biddle aangebied. Bel haar by 083 268 5856.
Erica Cheetham bied ’n vervilting-slypskool aan – 011 673 4517.
Bel Leonora Cloete by 011 764 1497 om jou plek vir haar borduurkunsklas te bespreek of vir Irene Florence by 084 747 7522 om meer te leer oor kwiltwerk en tradisionele laslappiewerk.
Elaine Barnard bied ’n slypskool aan oor kreatiewe vesel met wol en sy. Bel haar by 084 556 0699.
Uitstallers wat belangstel om hul produkte te vertoon, kan Fen van Ryneveld in Wakkerstroom bel by 017 730 0739 of 0 083 326 8108 om uitstalruimte te bespreek.