2 skiet bejaarde in Pretoria dood

Twee mans het 'n bejaarde man Dinsdagoggend doodgeskiet toe hy by 'n hardewarewinkel in die weste van Pretoria uitgestap het.

Mnr. Killian van Tonder (75)  is kort na 10:00 deur die twee mans doodgeskiet toe hy by die Wespark- hardeware en pandjieswinkel uitgestap het.

Die twee booswigte het gevlug, maar is nie ver van die misdaadtoneel nie deur lede van die gemeenskap vasgetrek.

Die vermoede bestaan dat dit 'n mislukte rooftog was. 'n Moordsaak word ondersoek. - Hilda Fourie

Lees die volledige berig Woensdag in Beeld.