Malema se 'afskeidstoespraak'
2012-02-10 13:43
- Artikelopsies
- Deel
- Kry Beeld op
Die geskorste ANC-jeugligaleiers sal hul
leierskapsposisies net prysgee indien die opdrag van die jeugliga af kom, het
mnr. Julius Malema, geskorste jeugligaleier, Vrydagoggend by die liga se lekgotla
in Centurion gesê.
"Ons het onsself toegewy aan die jeugliga en ons sal
alles in ons mag doen om vir die jeug se doelwitte te baklei.
"Net die jeugliga kan sê ons moet bedank. Ons sal
die leiding en instruksies slegs van die jeugliga af aanvaar.
"Kamerade, as julle die ANC toelaat om van die
leierskap van die jeug ontslae te raak, dan moet julle hulle ook die mag gee om
nuwe leiers vir die jeugliga aan te stel."
Nietemin het Malema dit sy "afskeidstoespraak"
genoem en gesê hy berei homself voor vir 'n lewe "buite die ANC en
moontlik in die tronk".
Malema is vir vyf jaar as jeugligaleier geskors en sy appèl daarteen is Saterdag van die hand gewys.