Roccy sien ál beter ná operasie
2012-02-19 22:10
- Artikelopsies
- Deel
- Kry Beeld op
Roccy die weesrenosterbulkalf wat heeltemal blind was nadat stropers hom oor sy kop geslaan het, kan al baie beter sien.
Me. Yvonne Gioia, eienaar van die Elandela- private wildreservaat buite Hoedspruit, het gesê dit is ’n wonderwerk.
Dr. Antony Goodhead, die veearts wat Roccy op 3 Januarie by die Onderstepoort- veeartsenykundige hospitaal in Pretoria geopereer het, het Roccy vandeesweek by Elandela besoek.
Hy is baie tevrede met Roccy se herstel. Roccy is voor die operasie in Januarie met ’n vragmotor van Hoedspruit na Pretoria vervoer.
Goodhead het tydens ’n anderhalfuur lange operasie die katarakte uit Roccy se oë verwyder.
Tydens die opvolgondersoek vandeesweek het hy vasgestel daar is geen obstruksies wat kan verhinder dat lig op die retinas van Roccy se oë skyn nie.
Roccy het lustig melk uit ’n bottel gesuip terwyl Goodhead sy oë ondersoek het.
Sluit aan by Beeld se Facebook-bladsy en volg Beeld
op Twitter
Dr. Antony Goodhead ondersoek Roccy, die weesrenosterkalf, se oë terwyl die jong dier lekker aan sy tietiebottel suig. Foto: ELANDELA RHINO SURVIVOR TRUST