Rowers rand bejaarde erg aan

'n Bejaarde wewenaar is Vrydagoggend in Krugersdorp deur 'n bende rowers oorval en erg verniel voordat hulle met slegs sy horlosie en kleingeld gevlug het.

Twee van die vermeende booswigte is egter aangekeer deurdat die polisie binne enkele minute op 'n noodoproep gereageer het.

'n Buurman het gesien hoe die bende mnr. Hannes van der Merwe (84) erg aanrand, met 'n mes steek en op sy kop slaan. Hulle het vensterruite uitgeskop om toegang tot sy huis te kry.

Volgens die polisie is die rowers moontlik deel van 'n sindikaat wat huise die afgelope 14 maande teiken in die Noordheuwel-omgewing.

Lees die volledige berig Saterdag in Beeld.