Jozi-fliekfees dié naweek in Bioscope
2012-02-07 22:31
- Artikelopsies
- Deel
- Kry Beeld op
Die eerste Jozi-rolprentfees (JFF) word van Vrydag tot Sondag in die Bioscope in Main Street Life en die Kensington-klub aangebied. Op dié fees word flieks van Johannesburgse en Gautengse rolprentmakers vertoon.
Verskeie van die rolprentmakers woon die fees by.
Aan die einde van die fees volg die JFF-prysgeleentheid waartydens pryse toegeken word aan die beste rolprent, beste dokumentêr, beste animasie, beste kort fiksiefliek, beste studentefliek, asook ’n gehoorprys.
Die prysaand word in die Kensington-klub aangebied.
Die fees begin Vrydag om 19:00 met die vertoning van Man on Ground, ’n fliek van Akin Omotoso. Ná die vertoning is daar ’n gespreksgeleentheid met die regisseur.
Die Saterdag-program bestaan uit Africa Shafted under One Roof, ’n fliek van Ingrid Martens (11:00); Forerunners van Simon Wood (12:15); RFK in the Land of Apartheid met Tami Gold en Larry Shore as regisseurs (13:30); ’n kortfiksiefees (16:00); Semi-soet van Joshua Rous (18:00) en ’n fees van studenteflieks (20:30).
Sondag is aan die beurt Imam and I, ’n fliek van Khalid Shamis (11:00); My Hunter’s Heart van Craig Foster en Damon Foster (12:45) en Retribu- tion van Michael Mikuna Dewil (16:30).
Dié flieks word in die Bio-scope vertoon. Kaartjies kos R20 (sommige flieks is gratis).
- Vir nog inligting besoek www.jozifilmfestival.co.za.