Kubane dans in Lyric-teater
2012-02-06 22:02
- Artikelopsies
- Deel
- Kry Beeld op
Die Kubaanse dansgeselskap Lizt Alfonso Dance Cuba is binnekort in die land op sy eerste besoek aan Suid-Afrika.
Die besoek is moontlik gemaak deur die departement van kuns en kultuur wat Mzansi Productions gevra het om as gasheer vir die besoekers op te tree. Mzansi het jare lank al ’n band met Kubaanse dansgeselskappe.
Lizt Alfonso Dance Cuba is van Vrydag tot Sondag in die Spier-amfiteater in Stellenbosch en van 17 tot 19 Februarie in Johannesburg in die Lyric-teater by Gold Reef City.
Die Lizt Alfonso Dance Cuba van Havana is in 1991 gestig deur die choreograaf Lizt Alfonso. Die groep is bekend vir hul kombinering van ballet, kontemporêre dans en flamenco-elemente met Spaanse en Afro-Kubaanse ritmes. Hulle maak deurentyd gebruik van ’n orkes op die verhoog.
Benewens die optredes is die geselskap ook betrokke by choreografie-werksessies in Khayelitsha, Guguletu en Soweto.
- Lizt Alfonso Dance Cuba is in die Lyric op 17 Februarie om 21:00, op 18 Februarie om 20:30 en op 19 Februarie om 19:30. Kaartjies kos tussen R120 en R300. Skoolkinders betaal R60.
Bespreek deur Computicket by 083 915 8000 of op die webwerf www.computicket.com.