Iranse regering verklaar Simpsons-speelgoed verbode

Teheran. – Die Simpsons is ge­plaas op ’n lys van verbode speelgoed deur ’n Iranse rege­ringsagentskap, het ’n koe­rant hier berig.

Volgens Shargh het die insti­tuut vir die intellektuele ont­wikkeling van kinders en jong volwassenes ’n besluit geneem om die bevordering van Wester­se kultuur te stuit.

Die berig het die instituut se Mohammad Hossein Farjoo aangehaal.

Daar word nie gesê hoekom die Simpson-poppe die swartlys gehaal het nie.

Farjoo het wel gesê dat enige poppe waarvan die ge­slags­­organe onderskeibaar is, is verbode. Die polisie het verlede maand verskeie speelgoed-winkels ge­sluit omdat hulle Barbie-poppe verkoop het.

Sedert die Islamitiese revolusie in 1979 toe die pro-Westerse monargie ontsetel is, probeer Iran Westerse kulturele invloede teenwerk.