Man sê ná 21 j. hy ry kind dood
2010-03-09 22:46
- Artikelopsies
- Deel
- Kry Beeld op
Riaad. - ’n Saoedi-man het hom oorgegee 21 jaar nadat hy per ongeluk ’n kind doodgery en toe van die toneel gevlug het, het ’n dagblad gister berig.
Mnr. Jahia Al-Asmari (38) het volgens die Saudi Gazette by die kantoor van die nasionale vereniging van menseregte ingeloop en beken dat hy 21 jaar gelede in die noordwestelike stad Taboek ’n kind in ’n ongeluk doodgery het.
“Ek kon niks doen om te keer dat ek hom tref nie. Ek was so bang dat ek weggery het toe ’n ander motor stop om te help,” word Al-Asmari aangehaal.
’n Amptenaar van die menseregtekantoor het volgens die koerant gesê hulle sal Al-Asmari se weergawe ondersoek en hom dan aan die polisie oorgee.?