Oud-renjaer val in hysbak se skag af
2010-03-08 23:58
Londen. – Albei enkels van Stirling Moss (80), legendariese Britse renjaer, is gebreek en sy rug beseer toe hy in ’n hysbakskag afgeval het.
Moss is die naweek na die Royal London Hospital geneem ná sy val van drie verdiepings.
Volgens ’n inskrywing op Moss se webwerf het hy die hysbak betree sonder om te sien dat dit foutief was en op die boonste verdieping vasgehaak het.
Die voormalige Formule Een-jaer was deurentyd by sy positiewe ten spyte daarvan dat vier bene in sy voet gebreek en vier rugwerwels gekraak is.
“Sy liggaam is steeds so taai as in sy dae as renjaer,” lui die inskrywing.
Moss het 16 Grand Prix-renne gewen, maar nooit die wêreldkampioenskap nie. Hy het vier keer tweede in die kampioen- skapreeks geëindig.