R18,8 miljoen se diamante gebuit
2010-09-08 21:48
- Artikelopsies
- Deel
- Kry Beeld op
Okahandja (Namibië). – Die waarde van diamante wat uit ’n kluis by ’n poleermaatskappy gesteel is, beloop sowat $2,6 miljoen (sowat R18,8 miljoen).
Mense van binne NamGem was waarskynlik vir die diefstal verantwoordelik, het mnr. Kennedy Hamutenya, voorsitter van die maatskappy, gister gesê.
NamGem is ’n filiaal van die Namdeb-diamantmaatskappy, ’n gesamentlike onderneming van die Namibiese regering en die diamantreus De Beers.
Die buit het gepoleerde en ongepoleerde diamante ingesluit.
“Niemand het by die kluis ingebreek waar die diamante gebêre is nie,” het Hamutenya, wat ook Namibië se diamantkommissaris is, gesê.
Die wêreldwye ekonomiese krisis verlede jaar het Namdeb se inkomste met 40% geknou.
Volgens Namdeb was produksie in die eerste ses maande van vanjaar meer as dubbel wat dit in dieselfde tydperk verlede jaar was.