Sy steel . . . en kóóp
2012-02-10 12:47
- Artikelopsies
- Deel
- Kry Beeld op
'n Boekhouer in Sydney wat $48 miljoen (sowat R368 miljoen) van haar werkgewer oor 'n tydperk van vyf jaar gesteel het, is Vrydag hier tot tronkstraf van maksimum 15 jaar gevonnis.
Rajina Rita Subramaniam het skuldig gepleit in dié saak - Australië se grootste bedrogspul tot nog toe deur 'n individu.
Sy sal ten minste sewe jaar tronkstraf uitdien omdat sy haar werkgewer, die ING-groep, 'n finansiële dienste-maatskappy, besteel het.
Die 42-jarige Subramaniam het haar etenstye gebruik om luukse-artikels in Chanel-, Hugo Boss- en Armani-winkels te koop.
Sy het sowat R130 miljoen se juwele gekoop. Sy het dit nie gedra nie, maar in onoopgemaakte houers onder haar lessenaar gehou.
Sy het meer as R10 miljoen aan een winkelassistent gegee en sowat R2 miljoen aan 'n ander.
Subramaniam het die eienaar geword van agt luukse-woonstelle, waarvan sewe leeg gestaan het.
Die agtste het sy gratis "verhuur".
Haar man het in die hof getuig dat hy onbewus was van haar misdaad.
Hulle het 'n beskeie leefstyl in 'n voorstad van Sydney gevolg. - Sapa-dpa