Vrou vermoor oor sy net aan meisies lewe skenk
2012-01-30 21:26
- Artikelopsies
- Deel
- Kry Beeld op
Koendoez (Afganistan). – ’n Afgaanse vrou is glo deur haar man en skoonma verwurg omdat sy ’n derde dogter in die lewe gebring het.
Volgens die plaaslike polisie kom die 30-jarige vrou, net bekend as Storai, van ’n verafgeleë dorpie in die Chanabad-streek van die Koendoez-provinsie.
Haar man, mnr. Sjer Mohammad, is ’n aktiewe lid van ’n plaaslike pro-regering-milisiegroep. Hy het glo gesê as sy nog ’n dogter het, sal hy haar doodmaak.
Die polisie is nog op soek na Mohammad, maar het reeds sy ma in hegtenis geneem.
In November het ’n groep mans in dieselfde provinsie suur in die gesigte van drie meisies en hul ouers gegooi nadat die gesin geweier het dat ’n plaaslike milisieleier met hul oudste dogter trou.
’n Tienermeisie is verlede maand in ’n naburige provinsie gered nadat haar skoonfamilie haar ses maande lank gemartel en in ’n toiletvertrek aangehou het omdat sy geweier het om as prostituut te werk.?