Johannesburg Verander Area
  • Vandag

    20°C / 8°C

    Wind 13km/h

    Reënval 0.0mm

    Humiditeit 20%

  • Vrydag

    20°C / 8°C

    Wind 20km/h

    Reënval 0.0mm

    Humiditeit 17%

  • Saterdag

    15°C / 4°C

    Wind 17km/h

    Reënval 0.0mm

    Humiditeit 35%

  • Sondag

    16°C / 6°C

    Wind 11km/h

    Reënval 0.0mm

    Humiditeit 22%

  • Maandag

    17°C / 6°C

    Wind 11km/h

    Reënval 0.0mm

    Humiditeit 39%

  • Dinsdag

    18°C / 6°C

    Wind 16km/h

    Reënval 0.0mm

    Humiditeit 32%


kuier in . . . maboneng

Stad se hart klop

Vrydag 28 Junie 2013
Die transformasie van Maboneng, eens die indus­triële hart van Johannesburg se middestad, het eenvoudig nie perke nie. Terésa Coetzee was hier.

In die hartjie van die Johannesburgse middestad vind ’n mens Maboneng en midde-in hierdie beton-chaos is daar ’n stukkie orde waar jy werklik weggevoer kan raak tussen kuns en ryk kultuur en vir dae aaneen dik stukke kan kuier.

Tot so onlangs as 2009 is hierdie industriële gordel aan die oostelike kant van die stad eintlik maar vermy. Eers toe Jonathan Liebmann saam met ’n argitek van die pakhuise in galerye, winkels en restaurante begin omskep het, is nuwe lewe in hierdie gebied geblaas.

Só het dit die ideale naweek-uithangplek geword.

Arts on Main

Daar word gesê Arts on Main het begin lewe die oomblik toe die wêreldbekende kunstenaar William Kentridge sy ateljee hier opgestel het. Deesdae is Arts on Main, Main Street Life, Revolution House, The Main Change, Fox Street Studios en MOAD-ateljees hier geleë, saam met vele ander kunsplekke.

By Arts on Main moet jy veral op ’n Sondag kuier wanneer daar week ná week ’n wonderlike mark gehou word. Dit staan bekend as Market on Main en hier kan jy van die heel lekkerste tuisgebak deur die Johannesburg Cullinary & Pastry School te koop kry. (Ek vind die mark nogal duur, maar dit is steeds ’n besoek werd.)

Foxstraat

Die hele Foxstraat is “skoongemaak” en dit is heerlik om deur die straat te wandel en by die onderskeie outentieke restaurante en winkeltjies te kuier. Die meeste van die meubelwinkels, kunsateljees en klerewinkels is Sondae oop.

By een plek sit jy sommer op kratte en kuier en by 12 Decades Johannesburg Art Hotel kan jy weer op die dak tussen al die jappies partytjie hou. 12 Decades is ook ’n kunsgalery.

Canteen is weggesteek in ’n binnehof en so tussen die olyf- en suurlemoenboompies kan ’n mens hier lekker eet en kuier en sommer ook die galery langsaan besoek. (Toe ons daar was, was daar ’n fassinerende uitstalling van Drum-voorblaaie deur die jare.)

Af in die straat is die Pata Pata-restaurant en dié is ’n kuierplek waar ’n mens tot ounag kan vashaak. Jazz-musikante sorg vir vermaak terwyl besoekers kan skaak of vingerbord speel en lekker eet.

Fliek en fietsry

Main Street Life het ook ’n rolprentteater, The Bioscope, wat Johannesburg se enigste onafhanklike rolprentteater vir kunsrolprente is.

Reg langs die bioskoop is Chalkboard, waar al die tafelblaaie van swartborde gemaak is waarop jy kan skryf, skilder, skribbel of wat ook al. Bordkryt word sommer saam met jou happies verskaf. By hierdie lekker kuierplek sou ek die pizza en bier aanbeveel.

Ander plekke by Arts on Main sluit Love Jozi in, waar jy T-hemde kan koop wat deur die stad Johannesburg geïnspireer is. By Goethe on Main (hulle is deel van die Goethe-instituut) kan jy van die mees toonaangewende kunsuitstallings bywoon.

Die WORK Local Design Initiative is die tuiste van baie moderne meubelontwerpe van staal en hout, en by die David Krut-boekwinkel sal enige boekliefhebber ure lank verlore raak.

Gaan huur ’n fiets by Bike for Hire, waar jy ’n gratis kaart kry vir lekker fietsryroetes deur die stad en leer ken Maboneng op ’n ander manier. Fietse kos R40 elk vir drie uur. Bring jou rybewys saam as waarborg.

Om die fietsrit af te sluit kan jy aanmeld vir ’n heerlike vrugte-smoothie by Uncle Mervs, die oulike koffiewinkel op die hoek van Fox- en Krugerstraat.



  • motors

    Ponie van 60’s herleef

  • leefstyl

    ’n Plesier vir die oog en die tong

  • leefstyl

    TV se ‘Cake Boss’ kom deel sy kennis

  • motors

    Nuwe Figo’tjie bied nog waarde

  • motors

    Ferrari’s groet Kyalami (dalk)

  • leefstyl

    Varkpens bly maar bobaas

  • motors

    Stepway beïndruk op vele vlakke

  • motors

    Inval van die Etios Cross begin

  • motors

    Kwaai NX nie vir sissies in nutsmark

  • motors

    Marquez in reuse se spore

  • motors

    Corsa no. 5 omvattend vernuwe

  • motors

    Nege ding mee om die kroon

  • motors

    Klein ramkat kry sy naam

  • motors

    Loopdop nie meer hoofsondaar

  • motors

    Kopskuif kan tandeknersers red

  • motors

    Nou kan jaers weer hul renvernuf wys

  • motors

    Superwaens in konvooi see toe

  • motors

    Dié VW’s kos min om te bedryf

  • motors

    Panda Cross hups soos jonges

  • motors

    Só lyk Britse top-vragmotor

  • motors

    Mazda het groot planne met ‘2’

  • motors

    M5 perfek vir gesin én alleen ‘druk’

  • leefstyl

    Etes in ’n japtrap

  • leefstyl

    Boere-barok

  • leefstyl

    Hoekom vroue anders bedraad is

  • leefstyl

    Verhouding en fantasie vuur drange

  • leefstyl

    Plek van vrede, rus in babakamer

  • leefstyl

    Die geur van seewier

  • leefstyl

    Jong vroue behoorlik bederf

  • leefstyl

    Retro ontmoet modern

  • leefstyl

    Angstig, of maar net kind?

  • leefstyl

    Noodhulp vir jou beste vriend

  • leefstyl

    Lekker verjaar, u koninklike hoogheid!

  • boeke

    Goeies góéd; slegtes verveel

  • boeke

    Debuut wat nog lank begogel

  • boeke

    Gru-blik op tienerangs aangrypend

  • boeke

    Bittersoet genot in dié aritmiese boek