Johannesburg Verander Area
  • Vandag

    25°C / 12°C

    Wind 4km/h

    Reënval 0.0mm

    Humiditeit 30%

  • Sondag

    24°C / 13°C

    Wind 8km/h

    Reënval 0.0mm

    Humiditeit 32%

  • Maandag

    24°C / 12°C

    Wind 10km/h

    Reënval 0.0mm

    Humiditeit 36%

  • Dinsdag

    22°C / 12°C

    Wind 17km/h

    Reënval 0.0mm

    Humiditeit 33%

  • Woensdag

    20°C / 11°C

    Wind 12km/h

    Reënval 3.1mm

    Humiditeit 44%

  • Donderdag

    21°C / 12°C

    Wind 19km/h

    Reënval 1.0mm

    Humiditeit 43%


AVONTUUR

’n Droom in die lug

Terésa Coetzee
Vrydag 19 Julie 2013
Daar is ’n magdom mense wat graag eendag in ’n lugballon wil vlieg. Terésa Coetzee het hierdie droom bewaarheid. Sy het uitgevind die werklikheid is selfs meer betowerend as haar verbeelding.

Daar is nou maar eenmaal net iets baie magies en romanties aan daardie massiewe ballon wat so statig in die lug hang – selfs al sien jy dit net van waar jy platvoet op die aarde staan en dit bewonder.

En vra maar vir dié wat dit wel al ervaar het: Om in ’n lugballon te vlieg is selfs nog meer ongelooflik as wat jou verbeelding jou kan laat glo.

Op reis in Afrika

Die winterluggie is maar taamlik dun daar in die Wieg van die Mensdom, by Kloofzicht Lodge waar ons onlangs die AirVentures-span ontmoet het.

Adam Fillmore is die direkteur en een van die vlieëniers van die maatskappy en hy en die ander vlieënier, Mervin de Souza, is saam met ’n span werkers besig om die lugballon vir die vaart gereed te kry. Die hele ballon word oor die gras oopgesprei en dan begin hulle die warm lug daarin blaas. Mens kan byna nie glo watter groot oppervlakte die “plat” kleurvolle ballon op die grond vol lê nie.

Dis net so duskant 07:00 toe ons een vir een in die stewige grasmandjie klim en terwyl die massiewe ballon bo ons koppe uitrys, lig ons stadig van die grond af op.

“Is dit enigsins veilig?” vra ek die glimlaggende Mervin en hy vertel dat dit die vraag is wat hulle almal verreweg die meeste hoor.

“Maar hoekom vra almal dit altyd eers as hulle in die lug is en nie voor die tyd nie?” lag hy.

Die antwoord is dat warmlugballonne gereken word as die veiligste manier om deur die lug te reis, juis omdat daar nie bewegende onderdele is nie.

Die grootste gevaar is kragdrade, maar in die 21 jaar wat Mervin al vlieënier is, was daar gelukkig nog nooit probleme nie.

Die wêreld raak skielik kleiner onder ons en die weerkaatsing van die ballon glinster op die meer.

“Dalk is ons gelukkig en vang ons ’n lugstroom wat ons deur die kloof se nek kan druk,” sê Mervin in ’n rustige stemtoon.

Dis duidelik dat Mervin ’n baie ervare vlieënier is, want die manier hoe hy ons so gemaklik deur die bekende kloof stuur, is merkwaardig.

“Dis juis die ding,” glimlag Mervin, “lugballonne kan juis nie gestuur word nie en ons as vlieëniers maak bloot van lugstrome gebruik om deur die lug te vaar. Omdat ek die omgewing darem redelik goed ken, weet ek ons is soms gelukkig om ’n koue stroom te kry wat ons deur die kloofnek kan stoot.”

Wonderwêreld

Van koue gepraat. Wonderbaarlik genoeg is dit glad nie meer koud nie en die oomblik toe ons deur die nek die oopte binnevaar en effens hoër styg, word ons omhul deur die asemrowendste uitsig 360° rondom ons.

Selfs al is dit in die hartjie van die winter, is ’n mens verstom oor hoe mooi die omgewing van daar bo af is.

Die ding wat mens die meeste opval, is die doodse stilte en rustigheid van die lugruim wat jou toevou. Skielik voel jy baie ver van alles af.

Doer onder sien ’n mens tekens van Muldersdrift wat besig is om te ontwaak. ’n Pa loop hand-aan-hand met sy klein dogtertjie skool toe en hier en daar sien mens motors op die pad. Maar selfs dít voel baie ver en verwyder van hier waar ons nou in ons eie wonderwêreld verkeer.

Net af en toe word die stilte verbreek deur die vuurasem van die gasbranders wat hitte in die binnekant van die ballon inblaas.

Vrede op aarde

Daar anderkant is ’n vliegtuig besig om te land en ons is reeds oor die tweerigtingradio daaroor ingelig. Lanseria is glad nie ver daarvandaan nie.

Ons vlieg oor ’n massiewe dam wat aan Heia Safari grens en ek is verstom toe ek die pragtige damwal sien. Ek ry amper elke week daar fiets en het nooit eens van daardie dam geweet nie!

Te vinnig, te gou

Ná sowat ’n uur in die lug (wat veels te gou verby is), begin Mervin met Adam oor die tweerigtingradio gesels oor waar ons moontlik kan land. Die truuk is om ’n geskikte landingsplek te vind en dan die lug uit die ballon op presies die regte oomblik te begin laat.

Makliker gesê as gedaan, juis omdat ’n mens hier ook die regte lugstroom moet vang, maar weer eens laat ons vlieënier dit maklik lyk.

Die landing is suksesvol en sag en ons word uit die mandjie gehelp. ’n Tafel met vrugtesap en vonkelwyn wag op ons.

Die rit in die motor terug Kloofzicht toe is maar sowat 15 minute lank en daar word ons ontvang met een van hul heerlike buffet-ontbyte.

Is dit iets wat ek weer sal wil doen? Natuurlik! ’n Lugballonvaart is sonder twyfel een van die ongelooflikste ervarings wat jy in jou lewe kan meemaak. Selfs al het jy hoogtevrees.

• Die koste van Coetzee se lugballonvaart is deur AirVentures gedra.



  • by

    Die alfabet van ironie

  • naweek

    Werk nou en geniet mooi tuin in lente

  • naweek

    Judasboom van gebied om Middellandse See

  • by

    ’n Atlas van die brein

  • naweek

    Die Stonehenge-misterie

  • leefstyl

    Heerlike feeskos vir die Paastyd

  • naweek

    Die koeël is deur die kerkies

  • naweek

    Deur die lens: Gepla met hom

  • by

    ’n Taai klap se soet nasmaak

  • naweek

    Moenie dat die twee Philips jou verwar nie

  • by

    Sokkerkoors kort nog

  • naweek

    Wen sade met jou blomfoto’s

  • naweek

    Bosmans haal top-100-lys met drie wyne

  • naweek

    Jazz in katedraal se maag

  • by

    Hou op om varke te beledig!

  • naweek

    Breëstraat die nuwe Langstraat?

  • by

    ‘Dan sê jy nog, Meneer, die vis is duur’

  • naweek

    Chenin blanc gepas vir haas enige smaaktog

  • naweek

    Wat gis?

  • motors

    Nuwe model sal koppe laat draai

  • leefstyl

    Gee jou oor aan lekker

  • leefstyl

    Eetgoed

  • leefstyl

    Soetgoed

  • leefstyl

    Drinkgoed

  • leefstyl

    Groot kuierplekke vir vroue én mans

  • motors

    Voorwieldryf vir BMW se buksie

  • motors

    In 40 jaar ry Golf steeds op suksespad

  • motors

    Landy rol nóg klippe uit jou pad

  • motors

    GLA is meer pret as prakties

  • motors

    Nuwe X-Trail lyk sommer na meneer

  • motors

    Hou kroos tevrede op lang pad

  • motors

    Die volgende Disco

  • motors

    Chinese bussies durf Toyota aan

  • motors

    Golf-eksklusiwiteit teen ’n prys 

  • motors

    Daar’s Márquez – en dan die res

  • motors

    Ricciardo se appèl kon probleme skep

  • motors

    Poulter skop modder in ander jaers se oë

  • motors

    K53 erger as sit tussen Kaapse Crusader-ondersteuners

  • motors

    Jy sal net wil voet in die hoek sit

  • motors

    Ry-entoesiaste sal gaande wees

  • motors

    Hoe kom VWSA en ABO bymekaar uit?

  • motors

    Verkeerdes nou varke in die verhaal

  • motors

    Raak persoonlik met hierdie buksie

  • motors

    Gister se heldedade bly spook

  • motors

    Huur eerder motor as koop?

  • leefstyl

    Blooskwale wat maak dat jy die dokter vermy

  • leefstyl

    Tyd dat kinders slim word: Laat hulle speel!

  • leefstyl

    Kleurige groente in tienerjare ‘kan kanker keer’

  • leefstyl

    Die vele fasette van smaak

  • leefstyl

    5 basiese smake

  • leefstyl

    Wat beïnvloed smaak?

  • leefstyl

    Mooigoed vir jou inkopielys

  • leefstyl

    Kies die regte blaaier

  • jip

    ’n ‘Loner’ wat sê net wat hy dink

  • jip

    Rooies verras Monnas

  • jip

    Monument se netbal kook

  • jip

    Drie Paastoernooie dié naweek

  • jip

    Klofies verhang bordjies teen Affies

  • Verbruikersforum

  • jip

    Uitslae

  • jip

    Viljoen kán in tienertaal skryf

  • jip

    Dié boek is nie vir tieners nie

  • jip

    Pryse wag vir wenners van gedigtekompetisie

  • jip

    Om dertig te word

  • jip

    Wetenskap, ontmoet Kuns