Johannesburg Verander Area
  • Vandag

    18°C / 7°C

    Wind 22km/h

    Reënval 0.0mm

    Humiditeit 32%

  • Dinsdag

    17°C / 7°C

    Wind 21km/h

    Reënval 0.0mm

    Humiditeit 36%

  • Woensdag

    17°C / 8°C

    Wind 8km/h

    Reënval 0.0mm

    Humiditeit 36%

  • Donderdag

    18°C / 9°C

    Wind 16km/h

    Reënval 0.0mm

    Humiditeit 31%

  • Vrydag

    19°C / 8°C

    Wind 11km/h

    Reënval 0.0mm

    Humiditeit 23%

  • Saterdag

    19°C / 8°C

    Wind 9km/h

    Reënval 0.0mm

    Humiditeit 23%


Pols

Dekoridees wat saam met jou kinders groei

Donderdag 15 Augustus 2013
Kinderkamers is dikwels groot pret om te versier en met ’n bietjie slim beplanning kan ’n mens seker maak die dekor bly relevant vir baba tot tiener, skryf Celinda Groenewald.
Vir ’n slaapkamer wat van baba tot tiener sal groei, het Pols ’n ideebord geskep met ’n kameelperdtema. Die kleurskakerings van geel, grys, wit en swart is prettig en kan maklik op datum gebring word. Dekorstukke: 1. Trendypeas ABC-seildoekkuns (Etsy.com); 2. Bright Star Lighting-lig (5rooms.com); 3. Kidkraft-sluitkas (5rooms.com); 4. Studio Collection-bedlinne en -strooikussings (studiocollection.co.za); 5. Jellycat-kameelperd (kinderelo.co.za); 6. Mr Price Home-swartbordkrat; 7. Eames-stoel (5rooms.com); 8. Studio Collection-materiaal (studiocollection.co.za).

Jou baba of peuter se slaapkamer bied beslis baie meer as net slaapplek waar skapies getel word.

Gewoonlik is dit ook ’n speelkamer en later, wanneer hy of sy ouer word, ’n studeerkamer en los-my-uit-ek-wil-alleen-wees heiligdom.

Daarom is dié kamers ’n gunsteling onder binneversierders, wat die kans gegun word om skeppender en speelser met kleur, patrone en konsepte te werk te gaan.

Maar weinig mense het ’n diep genoeg sak om jaar ná jaar hul kinders se kamer heeltemal te kan oordoen.

Daarom sal ’n bietjie fyn beplanning en aandag aan detail jou help om ’n prettige en praktiese kamer vir kinders te skep wat maklik saam met hulle kan groei en verander.

Hier is ’n paar wenke vir wanneer jy jou kind se kamer beplan.

1. Besluit op ’n tema

Wat gaan die kamer se algehele tema wees? Dit kan ’n matroos-, vintage-, prinses- of plaastema wees.

Hou net in gedagte dat jou kind se belangstellings deur die jare gaan verander en dat jy die basiese dekorelemente daarvolgens moet kan aanpas.

Ons het gespeel met ’n kameelperdtema op ons ideebord (sien foto).

2. Kies jou kleurpalet

Die tema wat jy gekies het, sal ook die kamer se kleure beïnvloed.

Vir die kameelperdtema het ons op skakerings van geel, grys, swart en wit besluit.

’n Goeie wenk van Deborah de Jong, ’n dekorfoendi van Australië, is om sowat drie komplementerende kleure te kies wat aan teenoorgestelde kante op die kleurwiel lê.

“Dit verseker jy kry ’n helder kombinasie wat nie sommer sal misluk nie.

“Kies dan ook ’n paar neutrale kleure soos wit, swart, room en grys sodat die helder kleure kan skitter.”

Maar pasop vir te veel helder kleure, waarsku De Jong.

“ ’n Mens wil speel met die kombinasie van helder en subtiele skakerings om ’n ruimte te skep waar jou kind wakker en lewendig kan voel, maar ook ontspanne genoeg om te kan rus en slaap.”

3. Mure en verf

Wil jy die mure ’n fokuspunt maak of dit liefs by die kamer laat insmelt?

Jy kan byvoorbeeld die mure met horisontale of vertikale strepe verf, ’n suède- of ’n pêrelafwerking gee en selfs met swartbordverf eksperimenteer.

Jy kan ook slegs een muur in ’n helder kleur verf of van stensils en muurplakkers gebruik maak.

Weer is dit belangrik om die kind se ouderdom in gedagte te hou en hoe lank dit sal wees voordat jy dit moet oordoen.

4. Slim vloerplan

Probeer ’n ruimte skep wat saam met jou kind sal groei.

Oorweeg stoorplek wat by die bed, skryftafel en klerekas ingebou is.

Belê ook liefs in meubilering wat saam met jou kind se behoeftes sal groei.

’n Kis of armoire kan nou speelgoed stoor en later elektronika of boeke.

Die beskeie dimensies van enkelbedjies maak dit die ideale keuse vir standaardgrootte kinderkamers.

“Om meer speelruimte in die middel te skep, oorweeg dit om die bed sywaarts, parallel teen die muur, te skuif,” sê die dekorskrywer Mary Wynn Ryan.

Dit is ook belangrik om ’n aparte sit-en-huiswerkruimte te skep.

“Vir ekstra sitplek gebruik eerder armlose stoele wat visueel minder plek opneem as ’n leunstoel,” is Ryan se raad.

Hou ook die basiese elemente vir ’n latere huiswerkruimte in gedagte: ’n stoel, lessenaar en tafellamp.

5. Beligting

Goeie beligting is noodsaaklik, maar kan ook prettig saam met jou tema en kleurskema werk.

’n Bedlampie wat helder skyn, is ’n moet en jy kan die lampskerm verander namate jou kind ouer word.

6. Sagte meubilering

Laat jou tema jou lei wanneer jy gordyne en bedlinne kies.

As jy in sleutelitems wil belê wat langer hou, bly weg van lawwe of oordadige strokiesprent-karakters.

Ons keuse van linne op die ideebord speel ook met verskillende patrone.

As die kamer ’n houtvloer het, is dit ’n goeie idee om ’n snoesige mat te koop.

Hou altyd in gedagte hoe jy die meubels en linne later kan aanpas wanneer jou kind ouer word.

7. Afronding

As jy goed met naaldwerk is, kan jy self strooikussings van oorskietmateriaal maak om die bed mee op te dollie en die vertrek snoesiger te maak.

“ ’n Mens kan ook van hul gunsteling- of mooiste snuistery vertoon, maar onthou, minder is altyd beter,” sê De Jong.

Daar is talle oulike aanhalings en kunswerke op seildoeke te koop (sien ideebord) wat ’n mens kan gebruik om die mure mee te verfraai.

Andersins kan ’n mens ook kosbare of prettige familiefoto’s laat raam om die dekor mee af te rond.

Bykomende bronnehgtv.com ; tlc.howstuffworks.com ; au.lifestyle.yahoo.com 



  • boeke

    Donkerte van psige én die internet ontbloot

  • boeke

    Nuwe naam om dop te hou in misdaadspanningsgenre

  • boeke

    de dag is nog niet begonnen

  • jip

    Die lewe is n kaaskrul

  • jip

    Moderne skerm of tydlose papier?

  • jip

    Julle op Facebook

  • jip

    Geldslim in ’n japtrap

  • boeke

    Kerk-blik eensydig, maar boei

  • jip

    Watter fliek-genre is die beste?

  • boeke

    Kopskote met Henry Cloete

  • boeke

    Nes van misverstand, obsessie, jaloesie, liefde en seks

  • Verbruikersforum

  • boeke

    Bendewêreld van Manenberg oortuigend weergegee

  • by

    Want prinsessies moet ook maar wag

  • by

    240 km stroomaf in my kano

  • by

    As ’n ongelese boek kom spook

  • by

    Solank die wind waai . . .

  • by

    Streep hier, kol daar – en sy prooi lééf

  • naweek

    Bruid van die Jaar: April 2014

  • naweek

    7 Dinge wat jy die naweek kan doen

  • by

    Só het SA Russe, VSA laat skarrel

  • by

    Ons kan wérk, maar 'talk . . . '

  • by

    ​Woedende ma steek ’n sweer oop

  • by

    Ware geloof binne én buite kerk te vind

  • naweek

    Deur die lens: Kyk net noord

  • naweek

    Soos ’n lam ter smaaklike slagting

  • naweek

    Gebou op blink klippies

  • naweek

    Beste steak in Suid-Afrika

  • naweek

    Bekyk Manhattan van immigrante-eiland af

  • naweek

    Tafelwyn waaroor haan kán kraai

  • naweek

    Trinchado’s vir daardie oerlus

  • naweek

    ‘Kry my daar, en vinnig!’

  • naweek

    Oporto se seëning

  • naweek

    Pionierbome gepas vir nuwe tuin, maar leef nie baie lank

  • naweek

    Cathay Pacific weer wêreld se beste, sê 18,85 miljoen

  • naweek

    Dans-dans, ballerinatjie

  • naweek

    Eikestad ‘leef en beef’ ook ná oes

  • naweek

    Umbrië, die groen hart van Italië

  • naweek

    Lekkerbek-gaste doen tuin aan

  • naweek

    Vertoef ’n wyle in die geskiedenis

  • naweek

    Op Emile Joubert se Sondagtafel

  • naweek

    Hoog tyd vir die doodgewone

  • naweek

    Uitsig op dolfyne