Johannesburg Verander Area
  • Vandag

    21°C / 8°C

    Wind 15km/h

    Reënval 0.0mm

    Humiditeit 18%

  • Vrydag

    20°C / 8°C

    Wind 19km/h

    Reënval 0.0mm

    Humiditeit 15%

  • Saterdag

    15°C / 4°C

    Wind 16km/h

    Reënval 0.0mm

    Humiditeit 36%

  • Sondag

    15°C / 5°C

    Wind 11km/h

    Reënval 0.0mm

    Humiditeit 23%

  • Maandag

    17°C / 8°C

    Wind 7km/h

    Reënval 0.0mm

    Humiditeit 35%

  • Dinsdag

    16°C / 6°C

    Wind 17km/h

    Reënval 0.0mm

    Humiditeit 36%


FLIEK

’n Drukkie vir elkeen in boer-gespot

Laetitia Pople
Donderdag 15 Augustus 2013
Louw Venter is die ongekunstelde boer Jimmy wat sy heil in die stad gaan soek in Jimmy in pienk.

Jimmy in pienk ***

Jimmy Bester land met sy blik hertzoggies en uitgetrapte vellies in die sjiek De Waterkant.

Niemand, maar niemand, dra daar kort kortbroeke nie, wat nog te sê twotone-hemde. Jimmy haat die stadsgewoel, maar hy is op moedverloor se vlakte. Hy kan die mielieplaas wat al sewe generasies in die Bester-familie se besit is, oornag verloor. Al raad wat hy het, is om by sy skatryk oom aan te klop, die oom wat toeka se tyd van die plaas weggejaag is omdat hy anders is, omdat hy gay is. Sy oom koester ’n wrok en Jimmy sal moet betaal.

Vroeër of later moes die argetipiese stoere boer les opsê en behoorlik mee die spot gedryf word in ’n Afrikaanse fliek. Sy verknogtheid aan ’n lappie aarde, sy rustigheid en sy lewe na aan die natuur teenoor die stedeling se gejaagdheid, kortgebakerdheid en gebrek aan tyd vir sy medemens is die temas wat hier uitgetorring word. Jimmy in pienk is ’n vis-uit-die-water-komedie wat die plaas- én die stadslewe besing. Elke karakter kan ’n bietjie wyser en mensliker in die sonsondergang verdwyn.

Sy flink humor gaan byval vind, maar kan gay mans aanstoot gee. Die tyd is wraggies verby ryp om gay karakters te skets wie se hande nie gedurig om hul kop skoenlapper nie; wat nie met intrekwange praat nie; en wie se klerekas nie uit Priscilla, Queen of the Desert kom nie.

Hanneke Schutte, regisseur en draaiboekskrywer, se prent jaag wel talle stereotipes in een kraal, skeer van hulle behoorlik skoon sodat hulle bevry ’n ander rigting in bokspring en die kyker goedig tot ander insigte bring. Niemand gaan tog fliek om geroskam te word nie. Ander bly ietwat suf en onontgin agter.

Jimmy, ’n bobaas-skaapskeerder, moes sy kreatiewe kant wegsteek vir sy pa, want ware mans durf nie kreatief wees nie; dit is vir “sissies”. Die bordjies word lekker verhang. Jimmy gaan hulle almal wys! Die karakter Jimmy, ongekunsteld en so doodeerlik oor als, word sonder een vals oomblik deur Louw Venter gespeel. Sy teenpool, Bunny, word deur Terence Bridgett gespeel.

Met sy leathers en lekker kuif is hy sardonies, tog diep menslik.

Gys de Villiers se karakter as die oom is effe onontgin; sy en Jimmy se verhouding moes sterker ontwikkel het. Tonele word gelas deur kostelike oomblikkies soos die geldskieters, gespeel deur David Isaacs en Garth Collins, op Jimmy se spoor. Een ly aan narkolepsie; die ander probeer aardige sakeondernemings bedryf wyl hy kniekoppe breek.

Jimmy in pienk gaan uiteindelik die weg van alle romantiese komedies. Dit loop oor van warm gemoedelikheid en almal drukkie almal.

Tog is dit hoogs vermaaklik en ietwat eksentriek.

Met Louw Venter, Terence Bridgett, Gys de Villiers, Tinarie van Wyk-Loots en ander Regie: Hanneke Schutte Tydsduur: 91 minute Ouderdomsperk: OL



  • motors

    Ponie van 60’s herleef

  • leefstyl

    ’n Plesier vir die oog en die tong

  • leefstyl

    TV se ‘Cake Boss’ kom deel sy kennis

  • motors

    Nuwe Figo’tjie bied nog waarde

  • motors

    Ferrari’s groet Kyalami (dalk)

  • leefstyl

    Varkpens bly maar bobaas

  • motors

    Stepway beïndruk op vele vlakke

  • motors

    Inval van die Etios Cross begin

  • motors

    Kwaai NX nie vir sissies in nutsmark

  • motors

    Marquez in reuse se spore

  • motors

    Corsa no. 5 omvattend vernuwe

  • motors

    Nege ding mee om die kroon

  • motors

    Klein ramkat kry sy naam

  • motors

    Loopdop nie meer hoofsondaar

  • motors

    Kopskuif kan tandeknersers red

  • motors

    Nou kan jaers weer hul renvernuf wys

  • motors

    Superwaens in konvooi see toe

  • motors

    Dié VW’s kos min om te bedryf

  • motors

    Panda Cross hups soos jonges

  • motors

    Só lyk Britse top-vragmotor

  • motors

    Mazda het groot planne met ‘2’

  • motors

    M5 perfek vir gesin én alleen ‘druk’

  • leefstyl

    Etes in ’n japtrap

  • leefstyl

    Boere-barok

  • leefstyl

    Hoekom vroue anders bedraad is

  • leefstyl

    Verhouding en fantasie vuur drange

  • leefstyl

    Plek van vrede, rus in babakamer

  • leefstyl

    Die geur van seewier

  • leefstyl

    Jong vroue behoorlik bederf

  • leefstyl

    Retro ontmoet modern

  • leefstyl

    Angstig, of maar net kind?

  • leefstyl

    Noodhulp vir jou beste vriend

  • leefstyl

    Lekker verjaar, u koninklike hoogheid!

  • boeke

    Goeies góéd; slegtes verveel

  • boeke

    Debuut wat nog lank begogel

  • boeke

    Gru-blik op tienerangs aangrypend

  • boeke

    Bittersoet genot in dié aritmiese boek