Johannesburg Verander Area
  • Vandag

    18°C / 7°C

    Wind 10km/h

    Reënval 0.0mm

    Humiditeit 27%

  • Donderdag

    20°C / 8°C

    Wind 10km/h

    Reënval 0.0mm

    Humiditeit 21%

  • Vrydag

    19°C / 8°C

    Wind 23km/h

    Reënval 0.0mm

    Humiditeit 19%

  • Saterdag

    17°C / 7°C

    Wind 11km/h

    Reënval 0.0mm

    Humiditeit 32%

  • Sondag

    18°C / 8°C

    Wind 9km/h

    Reënval 0.0mm

    Humiditeit 27%

  • Maandag

    18°C / 7°C

    Wind 8km/h

    Reënval 0.0mm

    Humiditeit 37%


FLIEK

Soos die tjorre; met vlerke

Rozanne Els
Donderdag 15 Augustus 2013
Dusty (stem van Dane Cook) se dagtaak in Planes is om gewasse te bespuit, maar hy droom daarvan om aan 'n resies om die wêreld deel te neem.

Planes ***

’N Vliegtuig met hoogtevrees.

Dit is ’n ongewone premis om ’n animasieprent oor ’n vliegresies om die wêreld mee te begin, maar tog ’n oulike een.

Dit maak die deur wawyd oop vir ’n lewensles of twee en skep ’n storie wat gou en moeiteloos in jou hart kruip.

Dusty (stemkuns deur Dane Cook) is ’n vliegtuig wat gewasse bespuit. Elke dag vlieg hy heen en weer oor dieselfde lande.

Om sy vervelige dagtaak draaglik te maak help sy beste vriend, ’n petrolvragmotor Chug (Brad Garrett), hom om voor te berei vir ’n befaamde lugresies om die wêreld.

Natuurlik is daar ’n rits dinge wat teen hom tel, die minste hiervan dat hy nie gemaak is vir vinnig vlieg nie, maar dan is daar ook die klein probleem van sy hoogtevrees.

Nie dat dit hom keer nie.

Dusty maak werk daarvan om sy drome te bewaarheid. Hy wil meer doen as waarvoor hy gemaak is. Hy praat ’n skugter ou vegvliegtuig, Skipper (Stacy Keach), om om hom te help en só begin ’n reis van ’n leeftyd.

Dié is ’n kinderanimasiefliek wat die jongklomp gaan laat regop sit. Hulle gaan snak na hul asem vir die vliegtuie se 3D-toertjies en boonop leer oor vriendskap, uithouvermoë en geloof in jouself.

Die animasie is kleurryk en so ook die interessante karakters. Boonop is daar heerlike, kleiner verhaallyne wat die storie nog prettiger maak.

Só steel die Mexikaanse vliegtuig El Chupacabra (Carlos Alazraqui) byvoorbeeld gou jou hart, hoewel hy heelwat langer sukkel om die liewe pienk Rochelle (Julia Louis-Dreyfus) se guns te wen. Natuurlik het Dusty ook ’n nare vyand: die geslepe, groen Ripslinger (Roger Craig Smith), wat enigiets sal doen om koning te kraai.

Die storie én sy uitvoering is eenvoudig, maar dit werk. Minder is hier definitief meer.

Boonop is die fliek net die regte lengte. Kinders sal dit maklik en met groot genot kan deursit.

Die stemkuns is nommerpas, veral John Cleese se neus-in-die-lug-pratery laat mens skater.

Ja, mens weet dalk lank voor die einde wat op jou wag, maar dit is steeds ’n lekker goed-voel-fliek. Plek-plek stamperig, maar die landing is seepglad.

Met die stemkuns van Dane Cook, Stacy Keach, John Cleese, Teri Hatcher en ander Regie: Klay Hall Tydsduur: 91 minute Ouderdomsperk: OL

KITSFEITE:

  • Die aktrise Teri Hatcher het die stem van Dottie in die fliek verskaf en haar ­dogter Emerson (15) dié van ’n verslaggewer.
  • Twee van die sterre van die 1986-vliegtuigtreffer Top Gun, Anthony Edwards en Val Kilmer, is in Planes herenig as die vegvliegtuie Echo en Bravo.
  • Die meeste van die vliegtuie se ontwerp is fiktief en net losweg geïnspireer deur werklike vliegtuie.
  • Die rolprentmakers het regte vlieëniers as konsultante gebruik.
  • Klay Hall, regisseur, is ’n groot lugvaartentoesias. Sy pa was ’n vlieënier in die Amerikaanse vloot. 



  • leefstyl

    Verhouding en fantasie vuur drange

  • leefstyl

    Etes in ’n japtrap

  • leefstyl

    Hoekom vroue anders bedraad is

  • leefstyl

    Boere-barok

  • leefstyl

    Retro ontmoet modern

  • leefstyl

    Angstig, of maar net kind?

  • leefstyl

    Noodhulp vir jou beste vriend

  • leefstyl

    Jong vroue behoorlik bederf

  • leefstyl

    Plek van vrede, rus in babakamer

  • leefstyl

    Lekker verjaar, u koninklike hoogheid!

  • leefstyl

    Die geur van seewier

  • jip

    Dié rubriek is vir jou

  • boeke

    Gru-blik op tienerangs aangrypend

  • boeke

    Goeies góéd; slegtes verveel

  • boeke

    Bittersoet genot in dié aritmiese boek

  • boeke

    Debuut wat nog lank begogel

  • Verbruikersforum