Johannesburg Verander Area
  • Vandag

    20°C / 7°C

    Wind 10km/h

    Reënval 0.0mm

    Humiditeit 23%

  • Saterdag

    22°C / 11°C

    Wind 18km/h

    Reënval 0.0mm

    Humiditeit 23%

  • Sondag

    22°C / 8°C

    Wind 22km/h

    Reënval 0.0mm

    Humiditeit 24%

  • Maandag

    19°C / 8°C

    Wind 11km/h

    Reënval 0.0mm

    Humiditeit 33%

  • Dinsdag

    22°C / 9°C

    Wind 13km/h

    Reënval 0.0mm

    Humiditeit 27%

  • Woensdag

    23°C / 9°C

    Wind 8km/h

    Reënval 0.0mm

    Humiditeit 23%


Dana Snyman

Dié verlies aan menslikheid maak my bang

Beeld-deurloop

Vrydag 31 Mei 2013

Dis nie dat ek ’n fobie het vir tegnologie nie. Ek het ’n selfoon en ’n skootrekenaar. Ek stuur en ontvang e-pos. Ek sms en karring soms op Facebook rond.

Ek het my selfs al op Twitter geregistreer, maar ek het nog nie getwiet nie. Soms neem ek myself voor: Nou gaan ek twiet. Maar dan weet ek nie wat om te sê nie. Dan los ek dit maar.

Om te twiet moet jy dít wat jy wil sê, in 140 karakters sê. Ek sukkel daarmee. Dit maak my bang, want dit voel of ek tegnologies ál verder agter raak. Of ek raak nie net tegnologies agter nie, ek raak agter in my beroep, want deesdae word van joernaliste verwag om te twiet.

Boonop voel dit toenemend vir my of party mense my nie so ernstig opneem nie omdat ek so min van al die nuwe toestelle en dinge weet. Wanneer sekere mense, byvoorbeeld, oor hul selfone in ’n geselskap begin praat, steek ek myne liewer in my broeksak weg. Ek het wel ’n BlackBerry, maar dis al vyf of ses jaar oud. Ek weet nie eens watter model dit is nie.

Deesdae is dit vir baie mense belangrik om te weet watter model selfoon of iPad of iPod of wat ook al jy het. Jy moet kan sê: “Ek het die iPhone 5.” Of: “Ek het die Samsung Galaxy S4.”

Wat sal ’n mens dit noem? Produk-angs? Dit is wat party mense ontwikkel wanneer daar, sê maar, ’n nuwe Samsung Galaxy op die mark is en hulle het dit nog nie.

Die meeste internetontwikkelinge gaan by my verby. Ek is nie eens mooi seker wat WhatsApp is nie. Ek is ook sinies wanneer ek die advertensies van party selfone of ander toestelle sien of hoor. Die nuwe Samsung Galaxy S4, byvoorbeeld, se verkoopspreuk is: “Life companion. Make your life richer, simpler and more fun.”

Is daar werklik mense wat dít glo? Hoe kan ’n selfoon jou blymoedige lewensmaat wees? Of gaan die dag dalk aanbreek dat ek op my sterfbed lê, alleen, net met my ou BlackBerry op die kassie voor die bed, gereed om ’n laaste sms op te stuur?

Ek dink ek weet hoekom al hierdie nuwe dinge my soms so bang maak. Dit gaan oor die verlies aan menslikheid en menslike kontak wat tegnologiese vooruitgang meebring.

Ek is bang op ’n dag verdwaal ek en wil vir iemand die pad vra, dan is niemand meer in staat om dit te verduidelik nie. Ek moet self op Google Maps of ’n GPS gaan kyk. Ek is bang daar is later nie meer ooms oor wat na die miere in die veld en die maan en die wind kyk om die weer te voorspel nie. Hulle kyk eerder op weathersa op hul selfoon.

Ek is bang ek stap op ’n dag by ’n koffiewinkel in en daar is niemand om mee te gesels nie, want almal is besig op hul skootrekenaars, iPads of selfone.

Ek is ook bang die dag kom dat ek glo die 140 karakters van ’n Bybelvers of ’n pienk boodskappie van iemand op Twitter kan my geestelik laat groei.



  • spotprent

    Spotprent 25 April 2014

  • aktueel

    ’n Brandpunt-gebied

  • hoofartikels

    Mdluli wys hoe die staat intimideer

  • rubrieke

    Só kan die DA swartes lok

  • Beeld se voorblad op Woensdag, 25 April 2014

  • rubrieke

    Jou kaartjies vir rugby word een – agter die pale

  • briewe

    Lig net eers die ANC uit die kussings

  • briewe

    Kry rugby uit vervelige doodloopstraat

  • briewe

    Gesonde mededinging is nodig

  • briewe

    Afrikaanse kerke het ’n rol te speel

  • briewe

    Engelse ook deel van wit bevolking

  • sielsgoed

    Uit die Woord

  • sielsgoed

    Goeie Nuus

  • Wat sê jy?

  • rubrieke

    Een mens, een stem, een paspoort

  • aktueel

    ‘Onder EFF stap ons Zim-paadjie’

  • spotprent

    Spotprent, 24 April 2014

  • Beeld se voorblad op Woensdag, 24 April 2014

  • hoofartikels

    Nkandlagate sal nie net weggaan nie

  • rubrieke

    Preek nes jy wil, elk se soeke na sin is haar eie

  • rubrieke

    Wat sal uitslag van kiesers sê?

  • briewe

    Tshwane-manne werk deur die nag

  • briewe

    Heropening van grondeise is nie wys

  • briewe

    Wettig die handel in renosterhoring

  • briewe

    Afrikaans sal gedy as ekonomie groei

  • briewe

    DA-SMS oortuig nie om DA te stem

  • briewe

    Zuma nie die enigste ongewenste hoë

  • briewe

    Só voorspel ek die verkiesingsuitslae

  • sielsgoed

    Goeie Nuus

  • voorblad

    Beeld se voorblad op Woensdag, 23 April 2014

  • sielsgoed

    Goeie Nuus

  • rubrieke

    Stém: Almal maak saak in demokrasie

  • rubrieke

    Kruis sluit ons werklikheid oop

  • hoofartikels

    Wie gaan met wie in bed spring?

  • briewe

    Dink mooi voor jy jou kruisie trek

  • briewe

    Groepsbelange is tog belangrik

  • briewe

    Grond: DA veg om beter wetgewing

  • aktueel

    Volksroetes na toekoms

  • briewe

    Die ANC verdien nie my stem nie

  • briewe

    Stem wel en stem reg op 7 Mei

  • spotprent

    Spotprent, 23 April 2014