Johannesburg Verander Area
  • Vandag

    19°C / 8°C

    Wind 6km/h

    Reënval 0.0mm

    Humiditeit 30%

  • Donderdag

    18°C / 8°C

    Wind 16km/h

    Reënval 0.0mm

    Humiditeit 29%

  • Vrydag

    19°C / 8°C

    Wind 13km/h

    Reënval 0.0mm

    Humiditeit 21%

  • Saterdag

    19°C / 8°C

    Wind 11km/h

    Reënval 0.0mm

    Humiditeit 21%

  • Sondag

    18°C / 7°C

    Wind 13km/h

    Reënval 0.0mm

    Humiditeit 26%

  • Maandag

    20°C / 8°C

    Wind 6km/h

    Reënval 0.0mm

    Humiditeit 21%


Kommentaar en ontleding

Hoogtepunte op die pad

Jinine Botha
Donderdag 13 Junie 2013
Aanstaande jaar vier Suid-Afrika 20 jaar van demokrasie. Dit was ’n wipwaentjierit van hoogtepunte en laagtepunte. Jinine Botha berig oor die hoogtepunte.

Vir Riaan Cruywagen is ons suksesvolle Wêreldbeker-rugby- en sokkertoernooie, Tafelberg wat in 2012 as een van die nuwe Sewe Natuurwonders van die Wêreld aangewys is en die SKA-teleskoop wat hier gebou word ons groot prestasies.

“Ons kan met groot trots terugkyk na die reusagtige sporttoernooie wat ons die afgelope twee dekades met sukses aangebied het. Ons was nog altyd trots op Tafelberg en met die SKA-teleskoop gaan wetenskaplike aandag opnuut op Suid-Afrika gevestig word.”

Die Olimpiese swemmer Penny Heyns sê benewens die groot sporttoernooie moet Mark Shuttleworth, die eerste Afrikaan in die ruimte, en die Gautrein op die lys kom.

Die Gautrein kry nog ’n stem van die sangeres Helenè Bester. “Die verkeer kan hectic wees. Met die Gautrein kan baie mense vinniger by die werk kom.”

Vir Elvis Blue (Jan Hoogendyk) is die prestasies onder meer dat Suid-Afrika deel van die Verenigde Nasies is en ons volkslied.

“Op persoonlike vlak is dit wanneer ek my 3½-jarige dogtertjie saam met haar klasmaats dophou. Sy is kleurblind. Ek kyk na haar maatjies en dan sien ek dinge verander.”

Vir die aktrise Shaleen Surtie-Richards en die sanger Mathys Roets gaan dit oor mense en die respek wat mens moet uitleef vir ander.

“Ek kan natuurlik die 1995-Wêreldbekers noem, Joel Stransky is steeds my held, maar vir my is die belangrikste solidariteit tussen ons mense. Sonder mekaar kan ons nêrens gaan nie,” sê Surtie-Richards.

Roets meen ons moet daardie elemente van groot sportbyeenkomste en musiekfeeste wat ons oor kultuurgrense heen nader bring, identifiseer en uitleef.

“Dit gaan alles oor menswees. Die gebeurtenisse is lankal verby, maar die omgee wat mens tydens groot geleenthede ervaar, moet op die klein dingetjies van elke dag toegepas word.”

Die vreedsame oorgang na demokrasie is vir die musikant Anna Davel boaan die lys.

“Ons het dit vreedsaam reggekry en vandag is ons so ’n diverse samelewing met teenpole van erge rassisme en mense wat kleurblind is, maar saam stap ons die pad vorentoe.”

Kenners en academici glo soos Davel die feit dat ons ’n sterk demokrasie kon vestig, is uiters belangrik.

“Waarskynlik die grootste prestasie ná 20 jaar is dat die middelpunt gehou het. Ons het dit ook ten spyte van baie uitdagings reggekry om ons demokrasie sterk te vestig, saam met ons regstelsel en konstitusionele hof,” sê dr. Theuns Eloff, visekanselier van die Noordwes-Universiteit.

Daarbenewens het ons reeds vier vreedsame verkiesings gehou, ons parlementêre stelsel funksioneer doeltreffend en ons uitvoerende gesag is stabiel, sê Eloff.

“Hoewel daar klagtes is oor dienslewering, is ’n kultuur van langtermynbeplanning en besteding binne die begroting gevestig. Ons word ook weer internasionaal erken ná dekades van isolasie.”

Eloff glo om perspektief te behou en op die groot prentjie te fokus, kan Suid-Afrika deur die negatiewe uitdagings vorentoe stoot.

Prof. Noor Nieftagodien, hoof van die geskiedeniswerkwinkel by Wits, sê omdat die media dikwels op kwessies soos misdaad en korrupsie fokus, sal ruimtewesens waarskynlik glo ons bestaan uit misdadigers en korrupte politici.

“Ja, ons word deur uitdagings in die gesig gestaar, maar ons het baie bereik in die twee dekades.”

Vir hom is die Grondwet en regte soos menswaardigheid boaan die lys, gevolg deur die uitbreiding van maatskaplike vangnette soos toelaes.

“Ons kan politici kritiseer, maar die stelsel werk. Spraakvryheid word dalk aangeval, maar dit word steeds lewendig beoefen.”

Hy meen egter dat ongelykhede, armoede, werkloosheid, die staat se kruipende outoritarisme en korrupsie op alle vlakke ons demokrasie wegvreet.

Jacaranda FM se Rian van Heerden vra hoe ons kan verwag dat alles in 20 jaar uitgesorteer sou word. “Dat almal hand aan hand ’n reënboog tegemoet sal stap sonder te veel komplikasies? Dis dalk goed om op prestasies te fokus . . . net vir ’n bietjie balans.”

Vir hom is dié prestasies die aanbieding van die suksesvolle Wêreldbeker-rugby- en -sokkertoernooi en die ekonomie wat reusegroei getoon het.

“Per capita-inkomste het van 1993 tot 2012 met 40% gegroei. Mense van my generasie bly in reuse-huise op landgoedere en ry luukse motors. Dit was destyds ongehoord. Net die plaaslike mediese spesialis, advokaat, politikus en/of Griek het destyds sulke bates besit. Nog belangriker, meer mense (ongeveer 3,5 miljoen sedert 1994) het nou werk. Vir my bly nommer een ons Grondwet.”

Vir die komediant Pieter-Dirk Uys is die grootste prestasie sedert 1994 dat ons wel 19 jaar van demokrasie oorleef het. Vir hom het die demokrasie se wittebrood te lank aangehou.

“Toe ons weer kyk, is Mandela ’n legende en Mbeki die busbestuurder. Vandag sit daar goeie mense in daardie bus, maar ook vrot appels wat die hele balans kan beduiwel.”

Hy meen die grootse prestasie sal in 2014 in die algemene verkiesing gebeur waar ’n jong generasie sonder letsels van afsonderlike ontwikkeling of die bagasie van apartheid hul kruisies vir die eerste keer nóg sal trek.

“Hulle het geen sentiment oor die struggle nie, geen lojaliteit teenoor ’n uitgeputte 101-jarige vryheidsbeweging nie. Hulle is gebore nadat Nelson Mandela vrygelaat is. Hulle bou die toekoms van die land met hulle keuses. Hopelik, ná die volgende 20 jaar, sal die grootste prestasie wees dat ons rassisme uitgewis het. Ons het nog ’n lang pad om te loop.”

...

Wat maak jou sedert ’94 trots?

Die departement van kuns en kultuur wil Suid-Afrika se 20 jaar van demokrasie in 2014 met projekte vier.

Een is om 20 prestasies sedert 1994 te eien waarop Suid-Afrikaners trots is. Beeld het solank begin uitvind waarop Suid-Afrikaners sedert 1994 trots is.



  • rubrieke

    Bring my t’rug na die ou Transvaal

  • rubrieke

    Nkwinti raak in ras verstrik

  • hoofartikels

    Skep werk deur NOP te laat lewe

  • voorblad

    Beeld se voorblad, 31 Julie 2014

  • rubrieke

    Lagwekkende situasie, mnr. Turkse pruim

  • spotprent

    Beeld se spotprent, 31 Julie 2014

  • briewe

    Koot en sy maters sal lank wag voordat die ewige woord van God sal verander

  • briewe

    Kom, Leeus, laat ons weer brul!

  • briewe

    ’n Plan vir al die prez se probleme

  • briewe

    Gun elke ou sy ervaring van godsdiens

  • aktueel

    Skoleplan: Is daar ’n ander motief?

  • briewe

    Stig beursfondse en help jongmense

  • sielsgoed

    Goeie Nuus

  • So sê Beeld-lesers op Facebook en Twitter

  • Wat sê jy? Stuur ’n SMS na 45571

  • aktueel

    ‘Politiek gaan nie werk’

  • spotprent

    Beeld se spotprent, 30 Julie 2014

  • hoofartikels

    Korrupsie kan tot sterftes lei

  • rubrieke

    Taal word só ’n smal poort vir uitreik

  • briewe

    My hart bloei oor baie dinge, van my hond, tot Gasa, tot kerk se dwaling . . .

  • rubrieke

    Taegrin se stem roep tot ons

  • briewe

    Bybel misbruik

  • voorblad

    Beeld se voorblad, 30 Julie 2014

  • briewe

    Moeg om bang, agter tralies en platsak op eie grond te wees

  • briewe

    Beeld eer 20 m. jong lewens gepas

  • briewe

    Gelowiges wat soek na meer van God se misterie, kry dit dikwels buite kerk

  • sielsgoed

    Goeie Nuus

  • So sê Beeld-lesers op Facebook en Twitter

  • Wat sê jy?

  • rubrieke

    Vernedering wat klou soos ’n neet

  • aktueel

    Nuwe gees gee Kerk weer ’n kans

  • rubrieke

    Talle blink uit sonder matriek

  • spotprent

    Beeld se spotprent, 29 Julie 2014

  • hoofartikels

    Vrede in Israel verg politieke wil

  • briewe

    Als sal regkom in nuwe sonskynnasie

  • briewe

    Ek het gedien en salueer generaals

  • voorblad

    Beeld se voorblad, 29 Julie 2014

  • briewe

    Vakansieklub-lede word só uitgebuit

  • briewe

    Ons is moeg vir al hierdie e-bollie

  • briewe

    Pak kwotas in sportsoorte trompop

  • briewe

    Sluit dan maar net die OB se kantoor!

  • sielsgoed

    Goeie Nuus

  • So sê Beeld-lesers op Facebook en Twitter

  • Wat sê jy?

  • spotprent

    Beeld se spotprent, 28 Julie 2014

  • rubrieke

    Moenie EFF as ’n grap afmaak

  • voorblad

    Beeld se voorblad, 28 Julie 2014

  • hoofartikels

    Zuma móét getuig voor kommissie

  • rubrieke

    Skoorsoek 101: Laat 26 van jou 40 vroue erf

  • briewe

    Croucamp verwater goeie argument so

  • briewe

    Hoekom kap niemand Medunsa nie?

  • briewe

    Héle FNB-stadion sing ‘Stem’-deel

  • briewe

    Motiewe laat RAU sneuwel

  • Wat sê jy?